काठमाडौँ। संसारकै धनी व्यक्ति एलन मस्कले ‘टिकटक’ किन्न आफ्नो रुचि नभएको बताए।
राष्ट्रिय सुरक्षाको कारण देखाउँदै अमेरिकाले टिकटक बन्द गर्ने तयारी गरिरहँदा एलन मस्क वा ‘माइक्रोसफ्ट’ ले टिकटकको अमेरिकी स्वामित्व किन्न सक्ने हल्लाहरू फैलिएका छन् ।
अमेरिकी राष्ट्रपति डोनाल्ड ट्रम्पको प्रशासनमा महत्त्वपूर्ण जिम्मेवारी सम्हालिरहेका छन् । आफ्नो ट्विटर र अभिव्यक्तिका कारण पनि उनी बेला बेलामा भाइरल भइरहन्छन् ।
यसैबिच मस्कले चिनियाँ सर्ट भिडियो शेयरिङ एप टिकटकबारे अभिव्यक्ति दिएका छन् । केही अघि मस्कले टिकटक किन्न सक्ने हल्ला सुन्नमा आएको थियो । तर मस्कले आफू टिकटकको बोलकबोलको दौडमा नरहेको र आफूले टिकटक किनेँभने के गरौंला भन्ने कुनै सोच नभएको बताएका छन् ।
उनले यस्तो अभिव्यक्ति जनवरी २८ मा बोलेका हुन् । तर उक्त भिडियो शनिबार मात्रै रिलिज गरिएको थियो । जनवरी २० मै टिकटकमाथि प्रतिबन्ध लाग्दै थियो । तर ट्रम्पको अनुकम्पाका कारण प्रतिबन्ध ७५ दिन पछाडि धकेलिएको छ ।
‘एप्पल’ र ‘गुगल’ ले अमेरिकी कानून लागू भएपछि टिकटकलाई आफ्नो ‘एप स्टोर’ मा पुनर्स्थापित गरेका छैनन् । अमेरिकामा टिकटकका झन्डै १७ करोड जना प्रयोगकर्ता छन् ।
