काठमाडौँ। प्रविधि उद्यमी एलन मस्कले चर्चित एआई कम्पनि ओपन एआई ९७.४ अर्ब डलरमा खरिद गर्ने प्रस्ताव अघि सारेका छन्।
ओपनएआईका सीईओ साम अल्टम्यानले हालै सो कम्पनी किन्ने प्रतिस्पर्धी इलोन मस्कको प्रस्ताव खारेज गरेका छन्। त्यति मात्र होइन, उनले मस्कको कडा आलोचना पनि गरेका छन्। ‘इलोन लामो समयदेखि अनेक खण्ड गर्न खोजिरहेका छन्। यो उनको पछिल्लो प्रयास हो,’ मंगलबार पेरिसमा अल्टम्यानले भने, ‘उनी हामीलाई सुस्त पार्ने कोसिसमा छन् जस्तो मलाई लाग्छ।’
मस्कले सोमबार आफूसहितका लगानीकर्ताहरूको समूहले ओपन एआई ९७.४ अर्ब डलरमा किन्ने प्रस्ताव गरेको खुलासा गरेका थिए। यति ठूलो प्रस्ताव आएपछि ओपन एआईको बोर्डले यसबारे सोचविचार गर्ला। तर, मस्क कम्पनीको उदेश्यबाट विचलित हुन्छन् भन्ने ठानेमा उनीहरूले सो प्रस्ताव मन पराउने छैनन्।
मिडिया रिपोर्टअनुसार मस्कको प्रस्तावमा केही प्रमुख भेञ्चर क्यापिटल फर्महरू र मस्ककै एआई कम्पनी एक्सएआईको साथ छ। ओपन एआई सीइओ स्याम आल्टम्यानले भने मस्कको प्रस्ताव अस्वीकार गरेका छन्। मस्ककै स्वामित्वमा रहेको एक्स (पहिलेको ट्वीटर) मा प्रतिक्रीया दिँदै आल्टम्यानले लेखेकाछन्, ‘यदि मस्क चाहन्छन् भने, ‘म ट्विटर ९.७४ अर्ब डलरमा खरिद गर्न तयार छु।’
