काठमाडौं। निसानको बहुप्रतीक्षित एसयूभी म्याग्नाइट फेसलिफ्ट भोलि शुक्रबार लन्च हुने भएको छ । निसानको नेपालका लागि आधिकारिक बिक्रेता पायोनियर मोटो कर्पले नयाँ म्याग्नाइट लन्च गर्न लागेको हो ।
नेपाली बजारमा यसअघि सर्वाधिक रुचाइएको सब–फोर मिटर एसयूभीका रूपमा पहिचान कायम गरेको यस एसयूभीको अपडेटेड भर्सनमा डिजाइनदेखि सेफ्टी र प्रविधिमा पनि निकै सुधार गरिएको छ । नवप्रवर्तन र ग्राहककेन्द्रित डिजाइनजस्ता विशेषताका कारण नयाँ म्याग्नाइटको उपस्थितिसँगै नेपालमा निसानको उपस्थिति अझै बलियो बन्ने विश्वास कम्पनीले लिएको छ ।
विश्वव्यापी रूपमा डिसेम्बर २०२० मा लन्च भएको म्याग्नाइट नेपालमा २०२१ मा पहिलोपटक लन्च भएको थियो । हालसम्म १ लाख ५० हजारभन्दा बढी युनिट बिक्री भइसकेको यस एसयूभीको सफलताले निसानको ‘एक कार, एक विश्व’ रणनीतिलाई प्रतिविम्बित गर्ने जनाइएको छ ।
पायोनिर मोटोकर्पका प्रबन्ध निर्देशक सन्दीपकुमार शारडाका अनुसार, निसान म्याग्नाइटले नेपाल र अन्तर्राष्ट्रिय दुवै बजारमा नयाँ मापदण्ड स्थापना गरेको छ । ‘नयाँ निसान म्याग्नाइट फेसलिफ्टको लन्चले हाम्रो उत्कृष्टताप्रतिको गहिरो प्रतिबद्धता झल्काउँछ र नेपालका हाम्रा ग्राहकहरूलाई उत्कृष्ट सेवा प्रदान गर्ने हाम्रो समर्पणलाई थप मजबुत बनाएको छ । हामी विश्वस्त छौँ कि नयाँ म्याग्नाइटले नेपाल र अन्य बजारहरूमा निरन्तर प्रभाव पार्नेछ,’ उनले भने ।
आधुनिक र गतिशील डिजाइन
नयाँ म्याग्नाइटमा लाइटसेवर शैलीका टर्न इन्डिकेटरसहित स्लिक एलईडी हेडल्याम्प उपलब्ध गराइएको छ । यस सेग्मेन्टमै उत्कृष्ट थ्रीडी हनिकम्ब प्याट्रन भएको एलईडी टेल ल्याम्प र एल–आकारको सिग्नेचर डीआरएल लाइटले यसलाई थप आकर्षक बनाउनुका साथै आधुनिक लुक्ससमेत दिइएको छ ।
रिफ्रेस गरिएको डिजाइनमा फ्लोटिङ अफलिफ्टेड स्किड प्लेट, ठूलो ग्रिल, नयाँ डुअल टोन १६ इन्च डायमन्ड–कट एलोई ह्विल, फङ्क्सनल रुफ रेल र श्रेणीमा उत्कृष्ट ग्राउन्ड क्लिरियन्स रहेका छन् । छवटा मोनोटोन तथा पाँचवटा डुअल–टोन कलर अप्सनमा उपलब्ध यस नयाँ एसयूभीले चालकलाई विशिष्ट ड्राइभिङ अनुभव प्रदान गर्दछ ।
प्रिमियम र विलासी इन्टेरियर
थुप्रै फस्ट–इन–क्लास सेग्मेन्ट फिचरले सुसज्जित यस नयाँ एसयूभीमा अनौठो ३६० डिग्री लेदर प्याक समावेश छ, जसमा खैरो सुन्तला रङको लेदरयुक्त ड्यासबोर्ड, हनीकम्ब सिलाइ ढाँचा भएका लेदरट सिटहरू राखिएका छन् । साथै, यसको ढोका, पार्किङ ब्रेक लिभर, स्टेरिङ र अगाडिको आर्मरेस्टमा लेदरट सजावट दिइएको छ । क्याबिनमा सबैभन्दा ठूलो स्टोरेज, सुधारिएको सिट, ३३६ लिटरबाट ६९० लिटरसम्म बढाउन मिल्ने बुट स्पेस र पछाडिको सिटलाई ६०ः४० को अनुपातमा स्प्लिट गर्न मिल्नेजस्ता विशेषता पाउन सकिन्छ । पछाडि बस्ने प्यासेन्जरका लागि समेत पर्याप्त स्पेस पाइने यस कारमा दिइएको हाई कमान्ड ड्राइभिङ पोजिसन, अगाडिको आर्मरेस्ट स्टोरेज र कुल्ड ग्लोभ बक्सजस्ता फिचरले भित्री भागलाई आरामदायी र आकर्षक बनाएको छ ।
उन्नत प्रविधि
नयाँ निसान म्याग्नाइटमा २० भन्दा बढी पहिलो र सेग्मेन्टका उत्कृष्ट सुविधाहरू समावेश गरिएका छन् । यसमा हिट गार्डसहितको प्रिमियम सिलाइयुक्त लेदरट सिटहरू, मेमोरी फङ्क्सनसहितको मल्टिकलर एम्बियन्ट लाइट र प्लाज्मा क्लस्टर एयर आयनाइजरजस्ता विशेषता पाउन सकिन्छ । ६० मिटर परबाटै रिमोटको सहायतामा इन्जिन स्टार्ट गर्न सकिने नयाँ ग्लोबल स्मार्ट की उपलब्ध यस एसयूभीमा सबैभन्दा ठूलो इलेक्ट्रोनिक बेजललेस अटो डिमिङ आईआरभीएस, पूर्ण एलईडी बाहिरी प्याक (हेडल्याम्प, टेलल्याम्प, डीआरएलएस, इन्डिकेटर, फ्रन्ट फग ल्याम्प) र चारैतिर अवलोकन गर्ने मोनिटर पनि उपलब्ध गराइएको छ ।
नयाँ म्याग्नाइटमा १७.७८ सेन्टिमिटर लामो डिजिटल क्लस्टर, २०.३२ सेन्टिमिटर लामो फ्लोटिङ टचस्क्रिन । वायरलेस एन्ड्रोइड अटो एन्ड एप्पल कार प्ले, अर्कामिज थ्रीडी साउन्ड सिस्टम र क्रुज कन्ट्रोलजस्ता फिचर राखिएका छन् । साथै, नयाँ युगका ग्राहकलाई लक्षित गरी यसमा ड्यासक्याम, वायरलेस चार्जर, जेबीएल स्पिकर, पडल ल्याम्प र एलईडी स्कफ प्लेटजस्ता फिचर समावेश गरिएको विशेष प्रविधि प्याक उपलब्ध गराइएको छ । यी फिचरले नयाँ म्याग्नाइटलाई आधुनिक र प्रिमियम बनाएको छ ।
शक्तिशाली प्रदर्शन
यस एसयूभीमा जडान गरिएको नयाँ १.० टर्बो इन्जिन सेग्मेन्टमै शक्तिशाली र उच्च पर्फर्मेन्सयुक्त दाबी गरिएको छ । प्रतिलिटर पेट्रोलको खपतमा २० किलोमिटर माइलेज दिने यस एसयूभीको इन्जिनले कम गतिमा उच्च टर्क उत्पादन गरी बलियो तीव्रता सुनिश्चित गर्छ । निसानको स्पोर्ट्स कार जीटीआरमा जस्तै नयाँ म्याग्नाइटमा जडान गरिएको इन्जिनमा पनि उन्नत ‘मिरर बोर कोटिङ सिलिन्डर ब्लक प्राविधि’ उपलब्ध गराइएको छ । १.० नेचुरल्ली एस्पिरिटेड इन्जिनमा समेत उपलब्ध यस कारको इन्जिनलाई ५ स्पिड गियरबक्ससँग जोडिएको छ । साथै, यो म्यानुअल र ईजेड–सिफ्ट (एएमटी) अप्सनमा समेत उपलब्ध छ ।
सेफ्टी फिचर
नयाँ म्याग्नाइटमा स्ट्यान्डर्ड र एक्टिभ गरी कुल ५५ भन्दा बढी सेफ्टी फिचर दिइएको छ । सेफ्टी फिचरका हिसाबले समेत यो सेग्मेन्टमै उत्कृष्ट छ । कारमा छवटा एयर ब्याग, भेइकल डायनामिक कन्ट्रोल (भीडीसी) ट्रयाक्सन कन्ट्रोल सिस्टम (टीसीएस), हिल स्टार्ट असिस्ट, हाइड्रोलिक ब्रेक एसिस्ट, एबीएस, ईबीडी र टायर प्रेसर मोनिटरिङ सिस्टमलगायत थुप्रै फिचर पाउन सकिन्छ ।
साथै यसमा थ्री–प्वाइन्ट सिट बेल्ट, सिट बेल्ट रिमाइन्डर, चाइल्ड लक, आइसोफिक्स एङ्करेज र रियर पार्किङ सेन्सर सबै भेरियन्टहरूमा अनिवार्य गरिएको छ । ६७ प्रतिशत हाई–टेन्सायल स्ट्रेन्थ स्टिल प्रयोग गरी निर्माण गरिएको यस एसयूभीमा निसानले ३ वर्ष अर्थात् ३० हजार किलोमिटर वारेन्टी सुविधा दिएको छ ।
