काठमाडौँ। गोल्छा संगठनको सदस्य साङ्ग्रिला मोटर्स प्रालिले नेपाली बजारमा लिपमोटर टी-०३ बिक्री सुरु गरेको छ । कम्पनीले मंगलबार काठमाडौंमा एक विशेष समारोह आयोजना गरी उक्त मोडेलको गाडी आधिकारिक रूपमा लन्च गरेको हो ।
सांग्रिला मोटर्सले आज (मंगलबार) एक समारोहकाबीच ‘लिप मोटर टी०३’ आधिकारिक रूपमा सार्वजनिक गरेको छ। समारोहमा बोल्दै सांग्रिला मोटर्सका प्रबन्ध निर्देशक हेमन्त गोल्छाले कम्पनीको नेपालमा नवीनतम र दिगो विश्वस्तरिय सवारी ल्याउने प्रतिबद्धतालाई निरन्तरता दिन पाइएकोमा खुसी व्यक्त गरे।
लिप मोटर टी०३ मा ३७.३ किलाेवाट आवर ब्याट्री रहेको छ जसले डब्ल्युएलटिपी रेन्ज कम्बाइन्ड साइकलमा २६५ किमी र अर्बन साकलमा ३९५ किमी रेन्ज प्रदान गर्छ।
यसमा लेभल २ एडभान्स्ड लिप पाइलट ड्राइभर एक्टिभ सेफ्टी असिस्टेन्स प्रणाली पनि समावेश गरिएको छ, जसले स्मार्ट र सुरक्षित ड्राइभिङ अनुभव प्रदान गर्दछ। क्लासिक डिजाइनमा उपलब्ध टी-०३ लिपमोटरको ‘प्रोप्राइटरी इलेक्ट्रिफिकेसन च्यासिस टेक्नोलोजी’मा आधारित छ । यसमा ९३ प्रतिशत हाई इफिसियन्सी रहेको कम्पनीको भनाइ छ ।
साङ्ग्रिला मोटर्सले लिपमोटरको टी-०३ ह्याचव्याकको मूल्य २८ लाख ९९ हजार रुपैयाँ तोकेर बिक्री सुरु गरिएको साङ्ग्रिला मोटर्सका प्रबन्ध निर्देशक हेमन्त गोल्छाले बताए । साङ्ग्रिला मोटर्स नेपालमा दिगो सवारीका लागि नयाँ मापदण्ड तय गर्दै नयाँ पुस्तामा विद्युतीय सवारीसाधनहरू उपलब्ध गराएर अटोमोटिभ ल्यान्डस्केपलाई नयाँ आकार दिन समर्पित रहेको गोल्छाको भनाइ थियो ।
