काठमाडौं। डिजिटल भुक्तानी सेवा प्रदायक कम्पनी इसेवा र हिमालयन बैंकबीच विद्युतीय कारोबार सम्भव बनाउनको लागि साझेदारी भएको छ।
यस साझेदारीपछि ई–सेवा प्रयोगकर्ता तथा बैंकका ग्राहकले सहजै विद्युतीय माध्यमबाट रकम ट्रान्सफर गर्न सक्नेछन् । दुवै संस्थाका ग्राहकलाई थप सेवा र पहुँच प्रदान गर्ने उद्देश्यले गत साता एक औपचारिक कार्यक्रममा दुवै संस्थाका प्रतिनिधिले सम्झौतापत्रमा हस्ताक्षर गरी यस सेवाको सुरुवात गरे ।
यस साझेदारीपछि अब हिमालयन बैंकको ग्राहकहरूले आफ्नो मोबाइल बैंकिङ एप प्रयोग गरी सिधै ई–सेवा वालेटमा रकम लोड गर्न सक्ने बैंकले जनाएको छ । यस साझेदारी पश्चात अब हिमालयन बैंकको ग्राहकहरूले आफ्नो मोबाइल बैंकिङ एप (एचआई–एमबी) प्रयोग गरी सिधै इसेवा वालेटमा रकम लोड गर्न सक्नेछन् भने इसेवा प्रयोगकर्ताहरूले आफ्नो इसेवा वालेटमा भएको रकम हिमालयन बैंकको खातामा ट्रान्सफर गर्न सक्नेछन्।
