काठमाडौँ। नेपाली उपभोक्ताहरूलाई लक्षित गर्दै आइटेलले आफ्नो नयाँ स्मार्टफोन आइटेल ए ८० सार्वजनिक गरेको छ। ‘क्या दामी छ!’ नारासहित आएको यस स्मार्टफोनमा आकर्षक डिजाइन, उत्कृष्ट डिस्प्ले र शक्तिशाली ब्याट्री जस्ता विशेषताहरू समेटिएका छन्।
आइटेल ए ८० विशेषगरी विद्यार्थी, गेमर, प्रविधि प्रेमी र व्यवसायीहरूको आवश्यकतालाई ध्यानमा राखी डिजाइन गरिएको बताइएको छ। फोनमा ६.७ इन्चको एचडी+ डट-इन डिस्प्ले दिइएको छ, जसले उत्कृष्ट भिजुअल अनुभव प्रदान गर्छ। १२० हट्र्जको रिफ्रेस रेट भएका कारण स्क्रोलिङ स्मूथ हुने र गेमिङ अनुभव पनि सहज हुने बताइएको छ।
ब्याट्री र प्रोसेसिङ पावर
फोनमा ५,००० एमएएच क्षमताको ब्याट्री छ, जसले लामो समय टिकाउ चार्जिङ अनुभव प्रदान गर्छ। साथै, यूनिसोक टी ६०३ अक्टा-कोर प्रोसेसर प्रयोग गरिएको छ, जसले मल्टिटास्किङमा सहजता दिन्छ। ८ जीबी (४ जीबी + ४ जीबी मेमोरी फ्युजन) र्याम तथा १२८ जीबी स्टोरेज भएकाले प्रयोगकर्ताले डेटा स्टोर गर्न वा धेरै एप्स सञ्चालन गर्न कुनै समस्या नहुने कम्पनीको दाबी छ।
क्यामेरा सेटअप
फोटोग्राफीलाई ध्यानमा राख्दै १३ मेगापिक्सेल एआई डुअल रियर क्यामेरा र ८ मेगापिक्सेल फ्रन्ट क्यामेरा राखिएको छ, जसले उच्च-गुणस्तरको फोटो र भिडियो प्रदान गर्छ। सुरक्षाका लागि साइड-माउन्ट गरिएको फिंगरप्रिन्ट सेन्सर र फेस अनलक सुविधा उपलब्ध छ।
कनेक्टिभिटी र नयाँ एन्ड्रोइड भर्सन
फोनमा फोरजी भिओएलटीई, जिपिएस, वाइफाइ २.४, ब्लुटुथ ५.०, एफएम, टाइप-सी चार्जिङ सपोर्ट जस्ता आधुनिक कनेक्टिभिटी सुविधाहरू उपलब्ध छन्। फोन एन्ड्रोइड १४ गो एडिसन मा सञ्चालन हुन्छ, जसले प्रयोगकर्तालाई छरितो र सहज अनुभव दिने बताइएको छ।
आइटेल ए ८० स्यान्डस्टोन ब्ल्याक, ग्लेशियर ह्वाइट र वेभ ब्लू गरी तीन आकर्षक रंगहरूमा उपलब्ध छ। कम्पनीले १०० दिनको रिप्लेसमेन्ट वारेन्टी प्रदान गर्ने बताएको छ, जसले प्रयोगकर्ताहरूलाई थप विश्वास दिन्छ।
मूल्य
यो स्मार्टफोन नेपालभर ५० भन्दा बढी सेवा केन्द्रहरू मार्फत उपलब्ध हुने छ। कम्पनीले यस फोनको मूल्य १२,९९० रुपैयाँ तोकेको छ, जसले किफायती मूल्यमा उत्कृष्ट फिचर चाहने प्रयोगकर्ताका लागि उत्कृष्ट विकल्प बन्न सक्छ।
