चितवन। नेपालमा हुन्डाई सवारी साधनको एकमात्र आधिकारिक वितरक लक्ष्मी इन्टरकन्टिनेन्टल प्रालिले भरतपुरमा नयाँ क्रेटा इभी (इलेक्ट्रिक भेहिकल) सार्वजनिक गरेको छ।
पिनाकल ट्रेडिङ प्रालिमा आयोजित विशेष अन्तरक्रिया कार्यक्रममा गाडी सार्वजनिक गर्दै ५ युनिट ग्राहकलाई हस्तान्तरण गरिएको हो। सो कार्यक्रम हुन्डाईको “ईभी एक्स्पान्सन” अभियानअन्तर्गत आयोजना गरिएको हो, जसको उद्देश्य विद्युतीय सवारी सम्बन्धी जनचेतना फैलाउने र ग्राहकहरूको शंका समाधान गर्ने रहेको छ। कार्यक्रममा भरतपुर क्षेत्रका ग्राहक, डिलर प्रतिनिधि, सञ्चारकर्मी र कम्पनीका उच्च अधिकारीहरूको उपस्थिति रहेको थियो।
ग्राहकको विश्वास जित्दै क्रेटा इभी
कम्पनीका अनुसार, नयाँ क्रेटा इभीको आगमनले विद्युतीय सवारी साधनप्रति रहेको आम जनमानसको भ्रम हटाउनेछ। धेरै ग्राहकहरूलाई इभी खरिद गर्दा स्पेयर पार्ट्सको उपलब्धता, सेवा शुल्क, र दीर्घकालीन ब्रान्ड सपोर्टप्रति शंका हुने गर्छ। तर, हुन्डाई नेपालले यस्ता सबै आशंका समाधान गर्दै देशमै आइसिई (ICE) तथा पेट्रोल मोडेल निर्माण थालिसकेको जनाएको छ। क्रेटा इभी र आइसिई दुवै मोडेल एउटै प्लेटफर्ममा आधारित भएकाले सेवा, मर्मत र पार्ट्स आपूर्तिमा कुनै समस्या नहुने कम्पनीको दाबी छ।
इभी इकोसिस्टम बलियो बनाउन चार्जिङ नेटवर्क विस्तार
विद्युतीय सवारीको सहज प्रयोगका लागि हुन्डाईले ‘रि–ल्याक्स’ चार्जिङ नेटवर्क पनि विस्तार गरिरहेको छ। हालसम्म देशभर ६६ वटा चार्जिङ स्टेशन (डीसी र एसी) स्थापना भइसकेका छन्, जसले गर्दा ग्राहकहरूले देशका विभिन्न स्थानहरूमा सहज चार्जिङ सुविधा पाउन सक्छन्।
कम्पनीले उल्लेख गरेअनुसार, रि-ल्याक्स नेटवर्क विस्तारका साथै इभी सपोर्ट प्रणाली बलियो बनाइँदैछ, जसमा ग्राहकलाई सेवा, पार्ट्स र टेक्निकल सपोर्ट कुनै कमी नहुने आश्वासन दिइएको छ।
डिलरहरूसँग प्रत्यक्ष संवाद
नेपालका विभिन्न सहरमा ईभी प्रवर्द्धन गर्न कम्पनीका उच्च व्यवस्थापन टोलीले डिलरहरूसँग प्रत्यक्ष भेटघाट गरिरहेका छन्। सोही क्रममा वैशाख २९ गते भरतपुरको पिनाकल ट्रेडिङमा आयोजना गरिएको कार्यक्रममा नयाँ क्रेटा इभी सार्वजनिक गरियो।
कार्यक्रममा सहभागीहरूले नयाँ इभी मोडलप्रति उत्साहजनक प्रतिक्रिया दिएका छन्। कार्यक्रममा कम्पनीका प्रतिनिधिहरूले सहभागीहरूसँग प्रत्यक्ष संवाद गर्दै क्रेटा इभीको विशेषता, मूल्य, सेवा योजना र चार्जिङ सुविधाबारे विस्तृत जानकारी दिएका थिए।
हुन्डाई नेपालको प्रतिबद्धता
हुन्डाई नेपालका अनुसार, कम्पनी सधैँ ग्राहक केन्द्रित सेवा र प्रविधिमा अग्रणी रहँदै आएको छ। गुणस्तरीय सेवा, प्रतिस्पर्धी मूल्य र देशव्यापी नेटवर्कका कारण हुन्डाई आज नेपालको अग्रणी अटो ब्रान्डहरूमध्ये एक बनेको छ।
भविष्यमा पनि विद्युतीय सवारी साधनको पहुँच बढाउने र ग्राहकलाई अझ सहज तथा भरपर्दो सेवा दिने लक्ष्यका साथ कम्पनीले यस्ता कार्यक्रम देशभर सञ्चालन गर्ने योजना बनाएको जनाएको छ।
