काठमाडौं। नेपालका लागि हुन्डाई सवारी साधनको आधिकारिक वितरक लक्ष्मी इन्टरकन्टिनेन्टलले बुटवल–भैरहवा क्षेत्रमा नयाँ क्रेटा ईभी सार्वजनिक गरेको छ।
सार्वजनिक कार्यक्रममा ३० भन्दा बढी युनिटको बुकिङ र १० युनिटको ग्राहक हस्तान्तरण गरिएको कम्पनीले जनाएको छ। सिद्ध विनायक मोटोकर्प, बुटवल र जगत मोटर्स, भैरहवाको संयुक्त आयोजनामा सम्पन्न विशेष अन्तरक्रिया कार्यक्रममा उपभोक्ताको उल्लेखनीय सहभागिता देखिएको थियो।
क्रेटा ईभी र पेट्रोल मोडेल एउटै प्लेटफर्ममा आधारित भएकाले सेवा र पाट्र्सको पहुँच सहज हुने कम्पनीको दाबी छ। कम्पनीले ईभी इकोसिस्टम बलियो बनाउन रिल्याक्स चार्जिङ नेटवर्कको विस्तार गरिरहेको जनाएको छ। हालसम्म देशभर ६६ वटा डीसी र एसी चार्जिङ स्टेशन सञ्चालनमा आइसकेका छन्।
कार्यक्रममा हुन्डाईका अन्य नयाँ मोडेलहरूको समेत प्रदर्शनी गरिएको थियो। कम्पनीका प्रतिनिधिहरूले ग्राहकहरूसँग प्रत्यक्ष संवाद गर्दै सेवा, ब्रान्ड सपोर्ट तथा सवारीसम्बन्धी जानकारी प्रदान गरेका थिए।
