काठमाडौं। मोबाइल फोटोग्राफी अहिलेको समयमा हरेक व्यक्तिको जीवनशैलीको हिस्सा बनिसकेको छ। तर, कहिलेकाहीँ फोटो खिच्दा अनावश्यक वस्तुहरू, मानिसहरू वा पृष्ठभूमिमा देखिएका अस्वच्छता फोटोको सौन्दर्यलाई बिगार्ने गर्छन्।
यस्ता अवाञ्छित तत्वहरू हटाउन अब महँगा सफ्टवेयर वा कम्प्युटरको आवश्यकता पर्दैन। तपाईंको स्मार्टफोनमै यस्तो सुविधा उपलब्ध छ, जसबाट तपाईं सजिलै फोटोबाट अनावश्यक वस्तुहरू हटाउन सक्नुहुन्छ।
अब मोबाइलमै फोटो सम्पादन सहज
नयाँ प्रविधिको विकाससँगै मोबाइलमा आउने विभिन्न फोटो एडिटिङ एप्सले फोटो सम्पादनको कार्य झनै सहज र प्रभावकारी बनाएका छन्। यी एप्सले फोटोमा रहेका अनावश्यक वस्तुहरू हटाउने, रंग मिलाउने, अनुहार चम्काउने जस्ता कार्य अत्यन्तै सरल तरिकाले गर्न सकिन्छ।
कसरी हटाउने अनावश्यक वस्तुहरू? यी एप्स प्रयोग गर्नुहोस्
तपाईंले फोटोबाट अनावश्यक वस्तुहरू हटाउन चाहनुभएको छ भने निम्न एप्स तपाईंका लागि उपयोगी हुन सक्छन्:
१. Snapseed (गुगल द्वारा निर्मित)
Snapseed एक शक्तिशाली र निःशुल्क फोटो सम्पादन एप हो। यसमा रहेको “Healing” टुलले तपाईंले फोटोमा रहेको अनावश्यक वस्तुहरू हटाउन सक्नुहुन्छ।
प्रयोग गर्ने तरिका:
Snapseed डाउनलोड गर्नुहोस् (Android वा iOS मा)
एप खोलेर फोटो इम्पोर्ट गर्नुहोस्
टुल्समा जानुहोस् र “Healing” विकल्प छान्नुहोस्
अनावश्यक वस्तुमा औंलाले थिचेर स्क्रब गर्नुहोस्
वस्तु मेटिन्छ र फोटो सफा देखिन्छ
२. Adobe Photoshop Express
एडोबीको यो मोबाइल संस्करण एप्सले सरल इन्टरफेसमा शक्तिशाली उपकरणहरू प्रदान गर्छ। यहाँ “Remove Blemish” जस्ता टुलले अनावश्यक वस्तुहरू हटाउन मद्दत गर्छ।
प्रयोग विधिः
फोटो क्रप, कलर ट्युनिङ, वस्तु हटाउने सुविधा
क्लाउडमा फोटो सेभ गर्ने व्यवस्था
३. Remove Unwanted Object (Android)
यो विशेष एप अनावश्यक वस्तु हटाउन मात्र बनाइएको हो। छायांकन गर्दा परेका मानिस, तार, पोल, फोहोर जस्ता वस्तु हटाउन धेरै प्रभावकारी छ।
प्रयोग विधिः
एप डाउनलोड गरी खोल्नुहोस्
फोटो चयन गर्नुहोस्
ब्रस टुल प्रयोग गरी हटाउन चाहेको भाग चयन गर्नुहोस्
“Go” थिचेपछि वस्तु हटेर जान्छ
४. YouCam Perfect
यो एप पनि फोटोबाट मानिस, वस्तु वा आकृति हटाउनको लागि उपयुक्त छ। विशेष गरी सेल्फी र पोर्ट्रेट सुधारका लागि उत्कृष्ट विकल्प मानिन्छ।
पेसबुक र इन्स्टाग्राम पोस्ट गर्नुभन्दा अघि सम्पादन गर्नुहोस्
धेरैजसो प्रयोगकर्ताहरू सामाजिक सञ्जालमा फोटो पोस्ट गर्नुअघि सम्पादन गर्छन्। तर यस्ता सम्पादन गर्दा यदि अनावश्यक वस्तुहरू हटाइएन भने फोटोको प्रभाव घट्छ। त्यसैले अबदेखि कुनै पनि फोटो पोस्ट गर्नु अघि यी एप्सको सहयोग लिएर अनावश्यक वस्तुहरू हटाउने बानी बसाल्नुहोस्।
