काठमाडौं। नेपालमा ओमोडा एन्ड जेइकोका आधिकारिक वितरक एसपीजी अटोमोबाइल्स प्रालिले ‘स्विच एन्ड ड्राइभ प्रि बजेट एक्सचेन्ज अफर’ सार्वजनिक गरेको छ। यो योजना सीमित अवधिको लागि ओमोडा ई–फाइभ र जेइको जे–सिक्स मोडलमा लागू हुनेछ।
कम्पनीका अनुसार योजना जेठ १० गतेसम्म लागु हुने छ र यसले नयाँ सरकारी नियम लागू हुनु अघि गाडी किन्न वा पुरानो गाडी अपग्रेड गर्न चाहने ग्राहकलाई लक्षित गरेको छ।
यस अफरअन्तर्गत ग्राहकले निःशुल्क १ वर्षको बीमा, ७ किलोवाटको चार्जर, तथा ८ वर्ष वा १६०,००० किमि वारेन्टी सुविधा पाउनेछन्। गाडीको मूल्य रु ५५,९९,००० देखि सुरू हुने र ८०% फाइनान्सिङ उपलब्ध गराइनेछ।
जेठ १७ अघि गाडी बुक गर्ने ग्राहकलाई विशेष पुरस्कारको व्यवस्था गरिएको छ। एक जोडीले चीन भ्रमण, एक जनाले आइफोन १६ प्रो, पाँच जोडीले लक्जरी स्टेकेसन, र दुई जनाले १२ महिनासम्म शून्य ब्याजदरमा फाइनान्सिङ सुविधा जित्ने अवसर पाउने छन्। सरकारले विद्युतीय गाडीको बैंक कर्जा सीमा ९० प्रतिशतबाट ६० प्रतिशतमा झारेपछि यो योजना ल्याइएको हो।
