काठमाडौं। एनसेलले अपाङ्गता भएका व्यक्तिहरूको डिजिटल समावेशीकरण प्रवर्द्धन गर्ने प्रतिबद्धता पुनः पुष्टि गर्दै जीएसएमएले जारी गरेका विशेष सिद्धान्तहरूमा हस्ताक्षर गरेको छ।
यी सिद्धान्तहरूले मोबाइल सेवामा पहुँचको खाडल घटाउने तथा डिजिटल सेवालाई सबैका लागि सहज बनाउने उद्देश्य राख्दछन्। जीएसएमए विश्वभरका मोबाइल सेवा प्रदायकहरूको छाता संस्था हो। यस सिद्धान्तमा हस्ताक्षर गर्ने एनसेल पहिलो नेपाली मोबाइल सेवा प्रदायक कम्पनी बनेको छ।
एनसेलले यसअघि पनि अपाङ्गता भएका व्यक्तिहरूका लागि विभिन्न पहलहरू गर्दै आएको छ। जसमा सधैं अन योजनामा ५०% डेटा छुट, पहुँचयोग्य सेवा केन्द्रहरू, अपाङ्गता मैत्री कार्यालय संरचना, र पारा खेलाडीहरूलाई सशक्त बनाउने कार्यक्रमहरू समावेश छन्।
एनसेलकी फाउन्डेसन एन्ड स्पेशल प्रोजेक्ट डाइरेक्टर विशाखा लक्ष्मी खड्काले “डिजिटल दुनियाँमा कोही पनि पछि नपरोस्” भन्ने उद्देश्यसहित यो कदम उठाइएको बताएकी छन्। यस सहकार्यले मोबाइल प्रविधिलाई समावेशी र सशक्तिकरणमुखी बनाउने दिशामा एनसेलको अग्रसरता झल्काउँछ।
