काठमाडौँ। गुगलले आफ्नो वार्षिक डेभलपर्स सम्मेलन Google I/O 2025 मा अत्याधुनिक कृत्रिम बुद्धिमत्ता (एआई) आधारित नयाँ टुलहरू सार्वजनिक गरेको छ।
तस्वीर र भिडियो निर्माणका लागि Imagen4 र Veo3 नामक एआई मोडेल सार्वजनिक गर्दै गुगलले टेक्नोलोजी क्षेत्रमा नयाँ सम्भावनाको ढोका खोलेको छ।
यी टुलहरूले टेक्स्ट वा तस्वीरका आधारमा यथार्थपरक फोटो तथा भिडियो तयार गर्न सक्ने क्षमता राख्छन्। विशेषगरी Veo3 बाट भिडियोसँगै अडियो पनि स्वचालित रूपमा सिर्जना हुने सुविधा छ।
गुगलले फिल्म निर्माता र सर्जकहरूका लागि Flow नामक अर्को एआई भिडियो टुल पनि सार्वजनिक गरेको छ। यी टुलहरू हाल बिटा संस्करणमा अमेरिका स्थित प्रयोगकर्ताका लागि उपलब्ध छन्, र उपयोग गर्न गुगल एआईको Ultra Plan सब्सक्रिप्सन आवश्यक हुन्छ।
यसका साथै Imagen 4 बाट पोस्टर निर्माण, शब्द लेख्ने क्षमतायुक्त तस्वीर सिर्जना तथा उत्कृष्ट गुणस्तरका टुके रिजोलुसन तस्वीर तयार गर्न सकिन्छ। Veo 2 मा पनि नयाँ अपडेटहरू थपिएका छन्। यी एआई टुलहरूको उद्देश्य सिर्जनात्मक प्रक्रिया सजिलो बनाउने र डिजिटल उत्पादनको गुणस्तरलाई अझ उचाइमा पुर्याउने हो।
