काठमाडौं। सञ्चार सेवाको बढ्दो मागलाई ध्यानमा राख्दै एनसेलले आफ्ना प्रिपेड ग्राहकहरूका लागि तीनवटा नयाँ साप्ताहिक रिन्यूअल प्याकहरू सार्वजनिक गरेको छ। यी प्याकहरू मंगलबारदेखि लागू भएका हुन्।
ग्राहकहरूलाई सुलभ, सहज र बजेटमैत्री सेवा प्रदान गर्ने उद्देश्यले ल्याइएका प्याकहरूमा डेटा, भ्वाइस र एसएमएस सेवाहरू समेटिएका छन्।
भ्वाइस प्याक अन्तर्गत, ग्राहकहरूले एनसेल वा नेपाल टेलिकमका नम्बरमा सात दिनसम्म अनलिमिटेड कल गर्न सक्ने सुविधा करसहित रु ९९ मा पाउनेछन्।
सधैं अन प्याक मा रु ९९ मा २ जीबी डेटा, ४९ मिनेटको अल नेपाल कल र ९ वटा एसएमएस समावेश गरिएको छ।
डेटा प्याक चाहनेहरूका लागि रु १५० मा १० जीबी उच्च गतिको मोबाइल डेटा सात दिनसम्म प्रयोग गर्न सकिने प्याक पनि उपलब्ध छ।
यी प्याकहरू हरेक सात दिनमा स्वतः रिन्यू हुने व्यवस्था रहेको एनसेलले जनाएको छ। जसले प्रयोगकर्तालाई बारम्बार प्याक खरिद गर्नुपर्ने झन्झटबाट छुट दिनेछ।
प्याक खरिद गर्न ग्राहकहरूले 1239# डायल गर्न, एनसेल एप प्रयोग गर्न वा नजिकको एनसेल विक्रेताबाट सेवा लिन सक्नेछन्। एनसेलले ग्राहकहरूलाई आफ्नो आवश्यकता अनुसार सेवा चयन गर्न सजिलो बनाएको भन्दै, सेवा सञ्चालन गर्न पाउँदा आफूहरू उत्साहित भएको प्रतिक्रिया दिएको छ।
नविकरणको समयमा मोबाइलको मुख्य ब्यालेन्समा आवश्यक रकम हुनुपर्नेछ भन्ने जानकारी पनि कम्पनीले दिएको छ।
