काठमाडौं। यामाहा नेपालले नेपालको चर्चित रियालिटी शो हिमालय रोडिजको सातौं सिजनका लागि पुनः टाइटल स्पोन्सरका रूपमा सहभागी हुने घोषणा गरेको छ।
यस पटकको सिजन ‘हेल अर हेभन’ भन्ने रोमाञ्चक थिमसहित फर्किएको छ । यो यामाहा नेपालको शोका लागि लगातार छैटौं वर्ष हो । यसले नेपालको साहसिक र युवा सञ्चालित भावनासँगको गहिरो सम्बन्धलाई पुनः पुष्टि गर्ने कम्पनीको भनाइ छ ।
हिमालय टिभीमा साप्ताहिक प्रशारण हुने हिमालय रोडिज अन्तर्राष्ट्रिय शो एमटीभी रोडिजबाट प्रेरित नेपालकै सबैभन्दा लोकप्रिय रियालिटी शो हो ।
कठोर चुनौती, अप्रत्याशित मोडहरू र सशक्त स्टोरीटेलिङले भरिएको यो शोले प्रतियोगीलाई नेपालको असभ्य र सुन्दर भौगोलिक परिवेशमा लगेर शारीरिक र मानसिक रूपमा परीक्षा लिन्छ ।
पर्फर्मेन्स, स्टाइल र एडभेन्चरसँग पहिचान जोडिएको ब्रान्डका रूपमा यामाहा नेपालले सधैं युवा यात्रुलाई प्रेरित गर्दै आएको छ । एमटी–१५ भी२ र एफ–जेडएस भी३ जस्ता सडकमा राज गर्ने बाइकदेखि ट्र्याकबाट प्रेरित आर१५ भी४, रग्ड बाइक डब्लूआर १५५आर, स्पोर्टी एरोक्स र इन्धन खपतमा उत्कृष्ट रेजेडआर १२५ एफआई हाइब्रिडसम्मका मोडेलहरूले यामाहालाई आधुनिक यात्रुको रोजाइमा राखेका छन् ।
एमएडब्लू राइड्सका कार्यकारी निर्देशक तथा प्रमुख कार्यकारी अधिकृत (सीईओ) दीपककुमार अग्रवालले भने, ‘यामाहा र रोडिजको साझा डीएनए छ, दुवै सीमाहरू पार गर्ने, साहसी जोखिम लिने र आफ्नै बाटो रोज्ने बारेमा हुन् । यस सिजनको ‘हेल अर हेभन’ थिमले हामीले जीवन र यात्रा दुवै ठाउँमा गर्ने छनोटलाई झल्काउँछ । हामी एकपटक फेरि यो प्रेरणादायी सहकार्यमा आबद्ध हुन पाउँदा गर्व गर्दछौं ।’
एमएडब्लू अन्तर्गत सञ्चालनमा रहेको यामाहा नेपाल मुलुकको सबैभन्दा भरपर्दो दुई पाङ्ग्रे सवारी ब्रान्डमध्ये एक हो । प्रविधिमा नवीनता, इन्जिनियरिङ सटिकता र उत्कृष्ट आफ्टर सेल्स सर्भिसको इतिहास भएको यामाहा नेपालले अझ सुरक्षित, सशक्त र रोमाञ्चक राइडिङ संस्कृतिको निर्माणमा हरदम समर्पित रहेको जनाएको छ ।
