काठमाडौं। अब ई–सेवामार्फत होटल बुकिङ प्रक्रिया झन् सहज र छिटो बनेको छ।
ई–सेवाले आफ्नो सेवा सूचीमा ‘होटल बुकिङ’ सेवा थप गरेसँगै प्रयोगकर्ताहरूले होटल खोज्न, फोन गर्न वा विभिन्न वेबसाइटहरू चहार्नुपर्ने झन्झटबाट मुक्ति पाएका छन्। अब ई–सेवाको मोबाइल एप वा वेबसाइटमार्फत सजिलै होटल छनोट गरी बुक गर्न सकिनेछ।
ई–सेवाले देशभरका २००० भन्दा बढी होटलहरूलाई एउटै प्लेटफर्ममा समेट्दै, प्रयोगकर्ताहरूलाई आवश्यकतानुसार होटल छान्न र तुरुन्तै बुक गर्न सक्ने सुविधा ल्याएको हो।
मोबाइल रिचार्ज, बिजुली–पानीको बिल, सरकारी सेवा शुल्क जस्ता कामहरू सजिलो बनाउँदै आएको ई–सेवाले अब घुमघाम, व्यावसायिक यात्रा वा पारिवारिक कार्यक्रममा होटल बुकिङ पनि सरल बनाएको छ।
यस सेवाअन्तर्गत प्रयोगकर्ताले ‘होटल्स’ सेक्सनमा गएर गन्तव्य र मिति छनोट गरी उपलब्ध होटलहरूबाट रोज्न सक्छन्। सबै विवरण भरेर बुकिङ कन्फर्म गरेपछि भुक्तानी पनि ई–सेवा वालेटमार्फत सहजै गर्न सकिन्छ। बुकिङ सफल भए/नभएको जानकारी तुरुन्तै मोबाइलमै प्राप्त हुने व्यवस्था छ।
सस्तो होटलदेखि तारे होटलसम्मको छनोट एउटै एपमा उपलब्ध भएकाले, यो सेवा देशभरका प्रयोगकर्ताका लागि उपयोगी हुने विश्वास गरिएको छ।
