काठमाडौं। चिनियाँ स्मार्टफोन निर्माता कम्पनी इन्फिनिक्सले नेपाली बजारमा आफ्नो नयाँ गेमिङ केन्द्रित स्मार्टफोन ‘जीटी ३० प्रो’ सार्वजनिक गरेको छ।
कम्पनीले असार ७ गते आयोजित ‘पब्जी मोबाइल सुपर लिग (पीएमएसएल) सीएसए स्प्रिङ फाइनल्स अफलाइन वाच पार्टी’ मा भव्य कार्यक्रमका बीच यो फोन सार्वजनिक गरेको हो।
‘गेमरहरूद्वारा बनाइएको गेमिङ स्मार्टफोन’ भन्ने नारासहित ल्याइएको ‘जीटी ३० प्रो’ कम्पनीको लोकप्रिय जीटी सिरिजअन्तर्गतको नयाँ संस्करण हो। यसअघि बजारमा उपलब्ध ‘जीटी २० प्रो’ को सफलतापछि कम्पनीले यो नयाँ संस्करणले गेमिङ स्मार्टफोनको बजारमा नयाँ उचाइ ल्याउने विश्वास व्यक्त गरेको छ।
गेमिङका लागि विशेष डिजाइन र पर्फरमेन्स
इन्फिनिक्स जीटी ३० प्रो विशेष गरेर मोबाइल गेमरहरूका लागि लक्षित फोन हो। यसमा मिडियाटेकको शक्तिशाली डायमेन्सिटी ८३५० अल्टिमेट ५.५जी प्रोसेसर प्रयोग गरिएको छ, जसले फोनलाई उच्च गेमिङ पर्फरमेन्स दिन सक्षम बनाउँछ। साथमा रहेको १६ जीबी र्याम (८ जीबी फिजिकल + ८ जीबी भर्चुअल एक्सटेन्डेबल) र २५६ जीबी स्टोरेज ले मल्टिटास्किङ र गेम स्टोरेजमा सहजता ल्याउँछ।
फोनमा १४४ हर्जको १.५के एमोलेड डिस्प्ले छ, जसले रिफ्रेस रेट उच्च भएको कारण गेमिंग तथा भिडियो एक्सपिरियन्सलाई स्मूथ र सजीव बनाउँछ। आँखालाई आराम दिने यो डिस्प्ले गेमिङका लागि आदर्श मानिन्छ।
गेमर फ्रेन्ड्ली फिचरहरू
इन्फिनिक्स जीटी ३० प्रो मा जीटी ट्रिगर नामक विशेष गेमिङ कन्ट्रोल सुविधा छ, जसले प्रयोगकर्तालाई कन्सोल जस्तो कन्ट्रोल अनुभव दिन्छ। यसमा गेम खेल्दा फास्ट रेस्पोन्स दिने टच ट्रिगर सिस्टम छ, जसले विशेषगरी एफपिएस गेमरहरूलाई फाइदा पुर्याउँछ।
दमदार ब्याट्री र चार्जिङ क्षमता
फोनमा ५,००० एमएएच क्षमताको ब्याट्री दिइएको छ, जसले लामो समयसम्म गेम खेल्दा पनि ब्याट्री टिकाउ हुने सुनिश्चित गर्छ। साथमा ४५ वाट फास्ट चार्जिङ र ३० वाट वायरलेस चार्जिङ को सुविधा पनि छ, जसले गर्दा फोन ‘सधैं चार्ज, सधैं तयार’ रहने कम्पनीको दाबी छ।
क्यामेरा र डिजाइन
फोटोग्राफीका लागि फोनमा १०८ मेगापिक्सेलको मुख्य रियर क्यामेरा र १३ मेगापिक्सेलको फ्रन्ट क्यामेरा दिइएको छ। कम्पनीले यस क्यामेरा सेटअपले हरेक तस्बिरलाई ‘हेडसटजस्तै स्पष्ट’ बनाउने दाबी गरेको छ।
फोनको डिजाइनमा मेकानिकल लाइट वेभ डिजाइन प्रयोग गरिएको छ, जसले फोनलाई आधुनिक र आकर्षक बनाएको छ। यो फोन स्याडो एस, ब्लेड ह्वाइट र डार्क फ्लेयर गरी तीन आकर्षक रंगमा उपलब्ध छ, जसले नयाँ पुस्ताका प्रयोगकर्तालाई आकर्षित गर्ने अपेक्षा गरिएको छ।
मूल्य र उपलब्धता
इन्फिनिक्स जीटी ३० प्रोको नेपाली बजारमा मूल्य ४७ हजार ९९९ रुपैयाँ तोकिएको छ। गेमिङ र डिजाइनका हिसाबले उच्च स्तरको यो स्मार्टफोन प्रतिस्पर्धी मूल्यमा उपलब्ध गराइएको कम्पनीको भनाइ छ।
कम्पनीले यस फोनमार्फत नेपालमा इस्पोर्ट्स–रेडी स्मार्टफोनको नेतृत्व गर्ने लक्ष्य राखेको छ। गेमरहरूको चाहना र आवश्यकतालाई केन्द्रमा राखी बनाइएको यो फोन निकट भविष्यमा नेपालका युवामाझ लोकप्रिय हुने विश्वास गरिएको छ।
