वीरगन्ज। टाटा मोटर्सको नेपालका लागि आधिकारिक वितरक सिप्रदी ट्रेडिङ प्रा.लि. र प्राइम अटो ट्रेडर्सको संयुक्त आयोजनामा वीरगन्जमा सम्पन्न टाटा ईभी अटो शो सफलतापूर्वक सम्पन्न भएको छ।
बाइपास रोडस्थित होटल विशुवामा अगस्ट २२ देखि सुरु भएको प्रदर्शनी आइतबार सम्पन्न भएको हो। प्रदर्शनीमा टाटा मोटर्सका कर्भ ईभी, नेक्सन के३ ईभी, पन्च ईभी र टियागो ईभी मोडल सार्वजनिक प्रदर्शनमा राखिएका थिए।
दर्शक तथा सम्भावित ग्राहकलाई आकर्षित गर्न जीवनभर निःशुल्क डीसी फास्ट चार्जिङ, विशेष छुट, उच्च एक्सचेन्ज मूल्यांकन, ३ वर्ष निःशुल्क सर्भिसिङ, निःशुल्क इन्स्योरेन्स, वार्षिक कर छुट, घरमै चार्जिङ इन्स्टलेसन र एम्बोस्ड नम्बर प्लेटजस्ता सुविधा उपलब्ध गराइएका थिए।
कार्यक्रममा मनोरञ्जनका लागि फूड स्टल, फन गेम्स र सांगीतिक प्रस्तुति समेतको व्यवस्था गरिएको थियो। आयोजकहरूका अनुसार, अटो शोले वीरगन्ज तथा आसपासका उपभोक्तालाई विद्युतीय सवारी साधनबारे प्रत्यक्ष अनुभव दिलाउँदै टाटा ईभी मोडलबारे थप जानकारी लिन विशेष अवसर प्रदान गर्यो।
