काठमाडौं। नेपालका अग्रणी मोबाइल कम्पनी सामसङले यस दशैंलाई अझ रमाइलो बनाउँदै नयाँ उपभोक्ता अफर “दिन दिनै दशैं” सार्वजनिक गरेको छ। यो अफर १ सेप्टेम्बरदेखि २८ सेप्टेम्बर २०२५ सम्म लागु हुनेछ।
अफर अनुसार, नयाँ सामसङ स्मार्टफोन वा ट्याबलेट खरिद गर्ने ग्राहकहरूले दैनिक उपहार जित्ने अवसर पाउनेछन्। सहभागी हुन ग्राहकले आफ्नो नयाँ सामसङ डिभाइसको Serial Number टाइप गरी Samsung Serial No. लेखेर ३५००१ मा SMS पठाउनुपर्नेछ।
प्रत्येक दिन, एक भाग्यशाली विजेताले भाटभटेनी शपिङ भौचर रु. १ लाख पाउनेछन् भने अन्य १० जना विजेताले रु. १०,००० मूल्यको शपिङ भौचर जित्नेछन्। यसरी अफर अवधिभर दैनिक ११ जना विजेताले उपहार जित्ने अवसर पाउने छन्। यी भौचरहरू दैनिक उपभोग्य सामानदेखि दशैं तयारीसम्म जुनसुकै प्रयोजनमा प्रयोग गर्न सकिनेछन्।
MX सामसङ नेपालका निर्देशक प्रणय रत्न स्थापितका अनुसार, “दिन दिनै दशैं” मार्फत सामसङले हरेक चाडपर्वमा आफ्ना ग्राहकलाई अमूल्य अनुभव दिने प्रतिबद्धतालाई निरन्तरता दिएको छ। यो अफरले दशैंको महत्वलाई आत्मसाथ गर्दै, सामसङ प्रयोगकर्ताको जीवनलाई अझ समृद्ध बनाउन योगदान पुर्याउनेछ।
ग्राहकले *#06# डायल गरेर सजिलै Serial Number पत्ता लगाउन सक्नेछन्। SMS पठाएपछि तुरुन्तै दर्ता भएको सन्देश प्राप्त हुनेछ। विजेताको Serial Number www.facebook.com/smartplazanepal र www.facebook.com/IMS.NP मा प्रकाशित गरिनेछ।
यो अफर सामसङका आधिकारिक विक्रेता र ई–कमर्स प्लेटफर्म मार्फत नेपालभर उपलब्ध रहेको छ। सामसङले यस अभियानमार्फत आफ्ना ग्राहकलाई हरेक चाडपर्वमा विशेष अनुभव प्रदान गर्ने परम्परा निरन्तरता दिएको छ।
