काठमाडौं । स्मार्टफोनको बजारमा आईफोन र एन्ड्रोइडबीच तीब्र प्रतिस्पर्धा छ । एन्ड्रोइडको तुलनामा आईफोन निकै महँगो छ । आईफोनमा त्यस्तो के छ, जसले यसको मूल्य एन्ड्रोइडको भन्दा धेरै हुन्छ । त्यसैले नेपाली बजारमा स्मार्टफोन धेरै बिक्रि हुन्छ ।
बजारमा आएको कुनै नयाँ स्मार्टफोन लिनको लागि धेरैले आफ्नो आयको आधा हिस्सा खर्च गर्नुपर्छ। त्यसैले एकपटक मोबाइल किन्दा हामी अर्को पटक फेरि त्यसमा खर्च गर्न नपरोस् भन्ने सोचले गएका हुन्छौँ।
मोबाइल कम्पनीका सबै फोन आकर्षक र गुणस्तरीय पनि लाग्छन् । यद्यपी बजारमा उपलब्ध अनेकन स्मार्ट फोनहरुमध्ये तपाईंका लागि सबै भन्दै उपयुक्त फोन कुन होला त ? यसो त स्मार्ट फोन तपाईंको आवश्यकता र दक्षताको हिसाबले नै किन्न पर्ने हुन्छ तर पनि स्मार्ट फोन किन्नु पूर्व तपाईंले केही महत्वपूर्ण कुरामा ध्यान दिनु भयो भने तपाईंले आवश्यकता अनुसारको गुणस्तरीय फोन पाउने सम्भावना हुन्छ । नयाँ स्मार्ट फोन किन्दा ध्यान दिनुपर्ने यी चार कुराहरुः
१. अनुसन्धान गर्ने
स्मार्टफोन किन्नु अगाडि सुरुमा त्यसको मूल्य आफ्नो आवश्यकता र बजेट भित्र पर्छ वा पर्दैन जाँच गर्नुपर्छ। यसको लागि फोनको मूल्यहरु अनलाइनमा खोज्ने, विश्वसनीय स्रोतबाट फोनको समीक्षा पढ्ने र नजिकैको मोबाइल पसलमा गएर त्यसको बारेमा बुझ्न सकिन्छ।
ब्रान्डहरुले बजारमा ल्याउने ठूलो प्रोमोसन र अवसरको पछि लाग्नु हुँदैन। फोनको विशेषताको बारेमा सक्दो अनुसन्धान गरी त्यसको टिकाउ क्षमता बुझेर मात्र किन्नु पर्छ।
२. अपडेट्को अवस्था
स्मार्ट फोन किन्नु अघि सो फोनको अपडेटिङ सेवा कस्तो छ ? के उक्त फोनको कम्पनीले समय–समयमा अपडेट सुविधा दिइरहेको छ वा छैन ? भन्ने कुरालाई ध्यानमा राख्नुपर्छ । अपडेटिङ सुविधा राम्रो सँग उपलब्ध भएको अवस्था तपाईंले समय सापेक्ष नयाँ सुविधाहरु प्राप्त गर्न सक्नुहुन्छ भने तपाईको युजर एक्सेप्रियन्स राम्रो हुन जान्छ । फोनमा अपडेटको सुविधा नभएको अवस्थामा विभिन्न नयाँ एपहरु चलाउनमा समस्या आउने, फोन ह्याङहुने लगायतका समस्या आउन सक्छ ।
३.क्यामरा र बेट्री
क्यामरा हेर्दा सबैभन्दा पहिला फोनको क्यामराबाट आउने फोटोहरुको कलर फिचर र तस्बिरको क्वालीटीलाई ध्यान दिनु पर्छ । यसका लागि तस्विरलाई ‘जुम्म’ गरेर पनि हेर्न सकिन्छ । फोटोहरुमा आउने कलरको प्रभावलाइ हेरेर मात्रै फोन लिनु फाईदाजनक हुनसक्छ । यसका साथै बेट्रि ब्याकअप पनि उत्तिकै महत्वपुर्ण हुन्छ । यसो भनिरहँदा फोनको चार्जरलाई नजरअन्दाज गर्नु भने हुँदैन । सामान्यतया ४००० एम एचदेखि ५००० एम एच का बेट्रिका लागि २० देखि ३० वाटको चार्जले उपयुक्त हुन्छ । यही आधारमा अन्य ब्याट्रीका लागि पनि चार्जरको क्षमता अनुमान लगाउन सकिन्छ ।
४. आफूलाई चाहिने फिचरमा बढी ध्यान दिने
मोबाइल किन्दा कहिल्यै हतार गर्नु हुँदैन। यसमा खरिद गर्दा विचार गर्नुपर्ने कयौँ कुरा छन्। पहिले त आफूलाई स्मार्टफोनमा कुन फिचर बढी चाहिएको हो बुझ्नुपर्छ। यो हरेक मानिसको रोजाइ अनुसार फरक हुन्छ। जस्तै, कसैलाई गीत र भिडियो राख्न धेरै स्टोरेज भएको मोबाइल चाहिन्छ, कसैलाई लामो समयसम्म टिक्ने ब्याट्री भएको मोबाइल, त कसैलाई राम्रो क्यामेरा प्रोसेसर भएको मोबाइलमा रूची हुन्छ।
आफूलाई प्रयोग गर्न चाहिने फिचर याद गर्नुपर्छ। प्रयोग नहुने अनावश्यक फिचर भएको मोबाइलमा आकर्षित भई किन्नु हुँदैन।
