काठमाडौं।नेपालमा साना र मझौला व्यवसायलाई सशक्तिकरण गर्ने उद्देश्यले सामाजिक सञ्जाल टिकटकले काठमाडौंमा एक कार्यशालाको आयोजना गरेको छ ।
‘ग्रोविथ टिकटक मास्टरक्लास’ नामक कार्यशालाले आफ्नो व्यवसाय बढाउन टिकटक प्लेटफर्मको शक्ति कसरी प्रयोग गर्ने भनेर जान्न उत्सुक व्यवसायी, मार्केटर र उद्यमीहरूको एक विविधतायुक्त समूहलाई एकसाथ ल्याएको कम्पनीको दाबी छ।
सहभागीहरूले ब्रान्ड भिजिबिलिटी बढाउन, युवा वर्गसँग जोडिन र आफ्ना उत्पादन र सेवाहरूलाई रचनात्मक रूपमा प्रदर्शन गर्न टिकटकका सुविधाहरूको लाभ कसरी उठाउने भन्नेबारे गहन प्रशिक्षण प्राप्त गरेका छन् । कार्यशालामा टिकटकका विज्ञहरूले टिकटकमार्फत् गर्न सकिने व्यवसाय प्रवर्द्धनका विविध पक्षहरूलाई समेटेर प्रशिक्षण दिएका थिए ।
हालै मास्टरक्लास नामक कार्यशाला गर्दै आफ्नो व्यवसाय बढाउन टिकटक प्लेटफर्मको शक्ति कसरी प्रयोग गर्ने भनेर जान्न उत्सुक व्यवसायी, मार्केटर र उद्यमीहरू लक्षित गर्दै सो कार्यक्रम गरिएकाे हाे।
यो पहल डिजिटल युगमा फस्टाउनका लागि आवश्यक पर्ने उपकरण र स्रोतहरू उपलब्ध गराएर विश्वभरका साना व्यवसायलाई सशक्त बनाउने टिकटकको फराकिलो प्रतिबद्धताको एक हिस्सा भएको टिकटकले जनाएको छ।
साना तथा मझौला व्यवसायको क्षेत्रले नेपालको अर्थतन्त्रमा महत्त्वपूर्ण भूमिका खेल्ने भएकाले पनि टिकटकले यसलाई प्रवर्द्धन गरेर नेपालको विकास यात्रामा प्रमुख साझेदार बन्ने कम्पनीको लक्ष्य भएको समेत बताइएको छ।
