काठमाडौं। सिप्रदी ट्रेडिङ प्रालिले स्कूल बसहरुलाई लक्षित गरी सञ्चालनमा ल्याएको जीपीएस ट्रयाकिङ र फ्लीट म्यानेजमेन्ट एप्लिकेसन ‘लोकोन्याभ सिप्रदी एप’ पछिल्लो समय अभिभावक र विद्यालयमाझ अत्यन्तै उपयोगी बनेसँगै लोकप्रिय बन्दै गइरहेको छ।
सिप्रदीका अनुसार, सन् २०२२ जुलाईदेखि स्कूलबसलाई थप सुरक्षित एवं सहज यात्राको सारथीका रूपमा सञ्चालनमा ल्याइएको लोकोन्याभ सिप्रदीले आफ्नो पूर्व निर्धारित उद्देश्यमा सफलता पाएको छ ।
जसकारण अन्य विद्यालय र अभिभावकले समेत यसप्रति निकै चासो र अभिरुचि दर्शाउँदै गइरहेका कम्पनीले जनाएको छ । लोकोन्याभ सिप्रदी एप्लिकेसनले विद्यालय प्रशासनलाई गाडीको वास्तविक समय जीपीएस ट्रयाकिङ, रुट व्यवस्थापन, जियोफेन्स सेटिङको साथमा सम्पूर्ण गाडीको कार्य सम्बन्धी विश्लेषण रिपोर्ट पनि प्रदान गर्दै आइरहेको कम्पनीले जानकारी दिएको छ ।
यस्तै, एप्लिकेसनमा ओभर स्पीड, तीब्र ब्रेकिङ, अचानक एक्सिेलेरेशन जस्ता सुरक्षा सूचना समावेश गरिएको हुँदा यस्ता सूचनाहरूले विद्यालय प्रशासनलाई जोखिमयुक्त ड्राइभिङ गतिविधि पहिचान गर्न, चालकलाई गति सीमा र सुरक्षित ड्राइभिङ सम्बन्धी तालिम प्रदान गर्नका लागि मद्दत गर्ने गरेको कम्पनीको भनाइ छ ।
त्यसै गरी, सडक दुर्घटना, गाडी बिग्रिने वा अन्य आपत्कालीन अवस्थामा तुरुन्तै घटनास्थलको लोकेसनबारे जानकारी प्रदान गर्ने र यसको सहायताबाट उद्धार, मर्मतसहितका सहायता कार्यमा सहजता प्रदान गरिरहेको सिप्रदीले जनाएको छ।
