काठमाडौं। कमलादीस्थित आईटी प्लाजा मा ‘आईटी प्लाजा महोत्सव २०८२’ आयोजन गरिएको छ, जसमा विभिन्न विद्युतीय सामग्रीमा ८० प्रतिशतसम्मको आकर्षक छुट उपलब्ध हुनेछ।
महोत्सव १८ वैशाखदेखि २४ वैशाखसम्म चल्नेछ। यस अवसरमा ग्राहकले विभिन्न ब्रान्डका ल्यापटप, मनिटर, प्रोजेक्टर, र अन्य विद्युतीय सामग्रीमा विशेष छुट प्राप्त गर्न सक्नेछन्।
महोत्सवमा एसर, डेल, लेनोभो, असुस, एमएसआई, लजिटेक, प्रोलिंक, थर्मल टेकजस्ता प्रमुख ब्रान्डका सामग्रीमा विशेष छुटको अफर दिइनेछ। आईटी प्लाजामा रहेका नियो स्टोर, आईटीटीआई, टीएस इन्टरनेसनल, अनलाइन आईटी, ईभो स्टोर, बोस होम अप्लायन्सेस, म्याक्स इन्टरनेसनल र इनफाइनाइट सोलुसन्स जस्ता विभिन्न स्टोरहरूले छुट र अफरहरूको प्रस्तुति गर्नेछन्।
महोत्सव अवधिभरिका विभिन्न गिभअवे र लक्की ड्र कार्यक्रमहरूले ग्राहकलाई थप आकर्षण प्रदान गर्नेछन्। ग्राहकहरूले यस दौरान स्टोरमा सामान खरिद गर्दा र भिजिट गर्दा दैनिक गिफ्ट र लक्की ड्रमा सहभागी हुन सक्नेछन्। लक्की ड्रमा एक जना भाग्यशाली ग्राहकले एसर निट्रो भी १५ गेमिङ ल्यापटप जित्ने अवसर प्राप्त गर्नेछन्।
यस महोत्सवको विजेताको घोषणा २९ वैशाखमा आईटी प्लाजाको सामाजिक सञ्जाल र प्लाजाको इन-बिल्डिङ डिस्प्लेमा गरिने छ। यस महोत्सवले आईटी प्लाजामा आउने ग्राहकलाई विशेष अफर र उपहारका साथ विद्युतीय सामग्री खरिद गर्न एक अनौठो अवसर प्रदान गर्नेछ।
