काठमाडौँ। इन्टरनेट सेवाप्रदायक कम्पनी क्लासिक टेकले व्यापारिक प्रयोजनका लागि १ जीबीपीएस (१००० एमबीपीएस) क्षमताको ‘इन्टरप्राइज प्रो इन्टरनेट स्पिड’ प्याकेज सार्वजनिक गरेको छ।
कम्पनीका अनुसार यस प्याकेजमा पब्लिक आईपी, एल२ सपोर्ट र वाइफाइ ६ राउटर निःशुल्क दिइनेछ। विशेषगरी होस्टेल, स्कुल, हस्पिटल, आईटी कम्पनी, कन्सल्टेन्सी र होटलजस्ता धेरै प्रयोगकर्ता हुने व्यवसायहरूलाई लक्षित गरी यो सेवा ल्याइएको हो।
थुप्रै प्रयोगकर्ताले इन्टरनेट चलाउँदा स्पिड कम हुने समस्या समाधान गर्न उच्च गतिको यो प्याकेज सुरु गरिएको हो। मासिक रु ७,२९९ बाट सुरु हुने यो सेवामा अहिले अफर पनि रहेको कम्पनीले जनाएको छ।
त्यस्तै, ५०० एमबीपीएस क्षमताको ‘इन्टरप्राइज प्रो’ प्याकेज पनि सँगै ल्याइएको छ। यी सेवाहरू काठमाडौंसहित देशका प्रमुख शहरहरूमा उपलब्ध छन्। क्लासिक टेकले ‘क्लासिक टेक, छोयो कि चल्यो’ नारासहित इन्टरनेट सेवा प्रदान गर्दै आएको छ।
