ह्वावेले गुवाङझाउ युनिकमसँगको सहकार्यमा फाइभजी सुपर अपलिंक ‘क्रस-साइट’ प्रविधि प्रयोगमा ल्याएको छ। जसले फाइभजी नेटवर्कको व्यवसायिक प्रयोगलाई व्यापक रुपमा बढाएको बताइएको छ ।
फाइभजी सुपर अपलिङ्क प्रयोगकर्ताहरूका लागि प्रभावकारी छ र यसले परम्परागत विधिहरूको कार्यसम्पादनलाई झण्डै दोब्बर बनाउँछ। चीनमा हालसम्म तीन हजार फाइभजी सुपर अपलिंक साइटहरु खुलेका छन् ।
यो प्रविधिले उच्च र थोरै ब्यान्डको समन्वय, समय र फ्रिक्वेन्सी-डोमेन एग्रिगेशनका साथै मिलिसेकेन्ड स्तरको स्रोत समय तालिकाको प्रयोग गर्नुका साथै नेटवर्क कभरेज क्षमता अभिवृद्धि गर्ने काम गर्छ, जसले प्रयोगकर्ताको इन्टरनेट अनुभवलाई समेत सुधार गर्न मद्दत गर्दछ।
चीनमा फाइभजीको क्षमताको कुरा आउँदा गुवाङझाङ शीर्ष स्थानमा रहेको छ। यसले गर्दा यो क्षेत्रमा लाइभ प्रसारण, अनलाइन मिटिङ, अनलाइन कक्षा, र ठूला फाइलहरूको अनलाइन आदानप्रदान लगायतका गतिविधि अधिक मात्रामा वृद्धि भएको छ ।
५ जी सुपर अपलिङ्कको ठूलो मात्रामा परिनियोजनले नेटवर्कको छेउमा कभरेज र क्षमतामा सुधार ल्याउनेछ। यसले गुवाङझाउ युनिकम सुपर अपलिंक प्रयोगकर्ताहरूलाई उनीहरूको अपलिङ्क भिडियो अनुभवको लागि १०८०P मा फुल HD र अल्ट्रा HD युगमा प्रवेश गर्न सक्षम बनाउँछ।
