अमेजनको एलेक्जा ले मृत्यु भएका परिवारका सदस्यहरूको पनि आवाज निकाल्ने उपकरण सार्वजनिक गर्ने तयारी गरेको छ।
अमेरिकाको लास भेगास्थित एक कन्फ्रेन्समा मृत्यु भएका परिवारका सदस्यको आवाज निकाल्ने उपकरणको बारेमा तथ्यहरू सार्वजनिक गरिएको थियो।
एलेक्साका वैज्ञानिक विभागका प्रमुख रोहित प्रसादले एलेक्सासँग प्रयोगकर्ताहरूको प्रतिक्रिया थप विश्वासयोग्य बनाउन यस्तो प्रविधि सार्वजनिक गर्न लागेको बताएका छन्।
उक्त कन्फ्रेसबाट सार्वजनिक गरिएको भिडियोमा एलेक्सासँग एक व्यक्तिले आफ्नी हजुरआमाले पढ्दर् गरेको ‘विजार्ड अफ योजेड’ किताब हजुरआमाकै आवाजमा पढ्न अनुरोध गरिन्छ र उक्त उपकणले हजुरआमाकै आवाजमा किताब पढ्न थाल्छ।
वैज्ञानिक रोहित प्रसादले कम्पनीले स्टुडियोमा लामो समय लाग्ने रेकर्डिङको विपरीत छोटो रेकर्डिङको साथ “उच्च-गुणस्तरको आवाज” कसरी बनाउने भनेर सिक्नुपर्ने बताएका छन्।
