१८ साउन, एजेन्सी। बेलायती संसदले आफ्नो टिकटक एकाउन्ट बन्द गरेको छ। सांसदहरूले डेटा चिनियाँ अधिकारीहरूको पहुँचमा जानसक्ने भन्दै चिन्दा व्यक्त गरेपछि संसदको टिकटक अकाउन्ट बन्द गरिएको हो।
टिकटक अकाउन्ट बन्द गरेर त्यसमा भएका सबै सामग्रीहरू हटाइएको बिबिसीमा उल्लेख छ।
वरिष्ठ सांसदहरूले टिकटकले विश्वसनीय आश्वासन नदिएसम्म चीनलाई कुनै डाटा हस्तान्तरण गर्न नसकिने गरि अकाउन्ट हटाउन आह्वान गरेका थिए।
टिकटक चिनियाँ कम्पनी बाइटडान्सको स्वामित्वमा छ। तर, कम्पनीले यसलाई चिनियाँ सरकारले नियन्त्रण गरेको अस्वीकार गरेको छ।
लन्डन र बेइजिङ बीचको सम्बन्ध हालका वर्षहरूमा खराब बन्दै गइरहेको छ। चीनले गत वर्ष धेरै सांसदहरूलाई प्रतिबन्ध लगाएपछि तनाव बढेको हो।
टिकटकका प्रवक्ताले भने बेलायतको संसदले टिकटक अकाउन्ट बन्द गर्नु निराशाजनक रहेको बताएका छन्।
