३१ साउन, एजेन्सी। तपाईँले हालसालै नयाँ ल्यापटप किन्न इन्टरनेटमा खोज तलास गर्नु भएको छ भने तपाइले पक्कै पनि राइजेन र इन्टेल बारे सुन्नु भएकै होला। यदि सुन्नु भएको छैन भने पनि सरल भाषामा भन्नु पर्दा तपाइको कम्प्युटर वा ल्यापटपको सिपियुको प्रोसेसर फरक फरक कम्पनीको आउँछ। त्यसमध्ये सबैभन्दा लोकप्रिय इन्टेल हो भने २०१७ देखि राइजेनले इन्टेललाई मजाको टक्कर दिँदै आएको छ। कुनै नयाँ ल्यापटप खरिद गर्दा ख्याल गर्नु पर्ने कुराहरू मध्ये सबैभन्दा प्राथमिकता ल्यापटपको प्रोसेसर पनि पर्दछ।
त्यही भएर उपलब्ध प्रोसेसरका आफ्नै फिचर र विशेषता बुझेर आफूलाई जुन मिल्न जान्छ, त्यही खरिद गर्नु पर्दछ। आज हामी इन्टेलका आफ्ना विशेषताहरू बारे चर्चा गर्नेछौँ। यी सबै हेरेर तपाइले के इन्टेल तपाइको लागि ठिक छ त भनेर निर्णय गर्न सक्नु हुनेछ।
इन्टेलको विशेषता
इन्टेलले प्रोसेसरको बजारमा कब्जा गरेको धेरै वर्ष भइसक्यो। यस कारण यसको आफ्नो बजारमा नाम अनि सुविधा अर्कै प्रकारको छ। यसले दशक देखि बनाएको आफ्नो बजारलाई बनाइराख्न सपोर्ट, स्थिरता, अपडेट र कम त्रुटिहरू दिएको छ जुन झ्याप्प नयाँ प्रोसेसरले दिन सक्ने सुविधाहरूमा पर्दैनन्। लामो समयदेखिको मेहनत र ग्राहकको बुझाइ पछि बनेका यी सबैले गर्दा यो पुरानो भएका आफ्नै फाइदाहरू भइदिन्छन्।
यसका मुख्य विशेषताहरूः
पावर खपत
कम्प्युटर वा ल्यापटपमा इन्टेल प्रोसेसरहरूले धेरै बिजुली खपत गर्दैनन्। बजारमा अन्य प्रोसेसरहरू भन्दा कम शक्ति यसले प्रयोग गर्छन्। उदाहरणको रूपमा AMD सिपियुले इन्टेलको सिपियुभन्दा लगभग डबल वा ट्रिपलसम्म प्रयोग पावर खपत गर्दछ।
हिट जेनेरेसन
इन्टेलमा कम वाट् र पावर खपत हुने भएकाले इन्टेल प्रोसेसिंग चिपले कम गर्मी निकाल्छ। ल्यापटप तातिरहने पनि कसैको लागि ठुलो समस्या हुन सक्छ। यदि तपाईँ तातो वातावरणमा काम गर्नु हुन्छ भने इन्टेलको प्रोसेसरले तपाईँलाई सजिलो हुने हुन्छ।
एकीकृत ग्राफिक्स
अहिलेको समयमा तपाइले आफ्नो ल्यापटपबाट पक्कै पनि भिडियो गेम खेल्नु हुनेछ वा प्रोग्राम या डिजाइनिंग सिक्नु हुनेछ। यसको लागि तपाईँलाई ग्राफिक्स कार्ड आवश्यक पर्दछ। धेरै भिडियो गेम उपभोक्ताले इन्टेल रोज्नुको मुख्य कारणमा यसको एकीकृत ग्राफिक्स वा एचडी ग्राफिक्सको साथ बक्सबाहिर आउँछ। यसको अर्थ तपाईँ GPU बिना गेमिंग वा उच्च गुणस्तरको भिडियो स्ट्रिमिङमा सीधै जान सक्नुहुन्छ।
बढी फ्रिक्वेन्सी
यो कुरा स्पष्ट छ कि इन्टेल आज पनि फ्रिक्वेन्सीको राजा हो, र यस कारण यसले निश्चित वातावरणमा फरक पार्छ। त्यस कारण इन्टेलको प्रोसेसर तिनीहरूको सबैभन्दा ठुलो प्रतिनिधि हुन्। फ्रिक्वेन्सीले प्रोसेसरको गतिलाई सङ्केत गर्दछ। त्यस कारण बढी फ्रिक्वेन्सी भएकोले कामहरू छिटो हुने गर्दछन्।
यसकारण इन्टेलको प्रोसेसर प्राय ठुलो लोड हुने कामहरुको लागि रोजिन्छ। गेमिंगदेखि भिडियो एडिटिङ जस्ता काममा धेरै पावर र स्पिड चाहिने हुदा यदि तपाईलाई पनि त्यस्तै आवश्यकता छ भने इन्टेल तपाइका लागि उपयुक्त हुन सक्छ।
