२ भदाै, एजेन्सी। अष्ट्रेलियनहरूलाई देशभर एप्पल पे प्रयोगकर्ताहरूलाई लक्षित गर्ने नयाँ ठगीको बारेमा चेतावनी दिइएको छ।
फिसिङ टेक्स्ट स्क्यामले एप्पलको मोबाइल भुक्तानी सेवा प्रयोग गर्नेहरूले आफ्नो खाता निलम्बन गरिएको दाबी गरेको सन्देश प्राप्त गर्ने र उनीहरूले आफ्नो खाता विवरणहरू पुष्टि गर्न आवश्यक छ भनी म्यासेजहरू पाइरहेका छन्।
म्यासेजमा तेस्रो-पक्ष बैंकिङ वेबसाइटको लिङ्क पनि पठाइएको छ। जसलाई क्रेडिट कार्ड र बैंकिङ जानकारी चोरी गर्न डिजाइन गरिएको छ।
स्क्यामवाच अस्ट्रेलियाले हप्ताको अवधिमा ठगीको चेतावनी दिँदै अष्ट्रेलियनहरूलाई चनाखो रहन आग्रह गरेको छ। खाता निलम्बन गरिएको छ भनी दाबी गर्ने फिसिङ सन्देशहरूबारे सचेत रहन अनुरोध गरिएको छ।
‘यसले अत्यावश्यकताको भावना सिर्जना गर्दछ जसले तपाईंलाई छिट्टै कार्य गर्न प्रोत्साहन दिन्छ। तर लिङ्क तपाईंको कार्ड र बैंकिङ जानकारी चोर्न डिजाइन गरिएको घोटाला हो।’ स्क्यामवाच अस्ट्रेलियाले भनेको छ।
लिङ्कमा क्लिक नगर्न र बैंकलाई सिधै सम्पर्क गर्न जो कोहीलाई सुझाव दिएका छन्।
