१२ भदाै, एजेन्सी। टि-मोबाइल र स्पेसएक्सले स्टारलिंक स्याटेलाइट मार्फत नयाँ सेवा उपलब्ध गराउने घोषणा गरेका छन्। यी दुइ कम्पनीले धेरै स्मार्टफोनहरूमा स्टारलिंक स्याटेलाइटमार्फत इन्टरनेट कनेक्सन दिने घोषणा गरेका हुन्।
यी दुइ टेक कम्पनीले “कभरेज अबभ एन्ड बियन्ड” ट्यागलाइन सहित नयाँ सेवाको घोषणा गरेका हुन्। जुन एक वर्षमा पूरा भइसक्ने अनुमान गरिएको छ।
स्पेसएक्सको अफिसियल युट्युब च्यानलमार्फत गरिएको लाइभ इभेन्टमा टि-मोबाइलका सिइअो माइक साइभर्ट र स्पेसएक्सका प्रमुख इन्जिनियर इलन मस्कले उक्त घोषणा गरेका हुन्।
स्टारलिंकसँग जोडिएपछि प्रयोगकर्ताहरूले जुन ठाउँमा पनि इन्टरनेटको पहुँच पाउने टेक भाइरलमा उल्लेख गरिएको छ। अहिलेका इन्टरनेट सेवा प्रदायकहरूले सेवा दिन नसक्ने समुद्र र घना जंगलमा पनि यो इन्टरनेटले काम गर्ने बताइएको छ।
स्पेसएक्सको स्याटेलाइट र टि-मोबाइलको नेटवर्टकले प्रयोगकर्तालार्इ सेल टावरहरू बिना पनि फाइभ-जी इन्टरनेट सेवा प्रदान गर्ने बताइएको छ।
स्पेसएक्सका प्रमुख इन्जिनियर एलन मस्कले यो परियोजनामार्फत प्रयोगकर्ताहरूका लागि कतै पनि डेज जोन (इन्टरनेट नचल्ने ठाउँ) नहुनु महत्वपूर्ण भएको बताएका छन्।
यो सेवा अर्को वर्षको अन्त्यसम्म सुचारू भइसक्ने अपेक्षा गरिएको छ। तर, कम्पनीले निश्चित क्षेत्रहरूमा बिटाको रूपमा यो सेवा प्रदान गर्ने बताइएको छ।
