१२ भदाै, एजेन्सी। सान फ्रान्सिस्को संघिय अदालतमा प्रयोगकर्ताहरूलाई क्षतिपूर्ति दिएर मुद्दा सुल्झाउने विषयमा फेसबुकले सैद्धान्तिक सहमति गरेको छ।
क्याम्ब्रिज एनालिटिका लगायत तेस्रो पक्षहरूलाई प्रयोगकर्ताहरूको निजी डेटामा पहुँद दिएको मुद्दा सुल्झाउन फेसबुक सकारात्मक देखिएको हो।
शुक्रबारको फाइलिङमा आर्थिक सर्तहरू खुलासा गरिएको छैन। जसले वादी र फेसबुक दुबै पक्षका वकिलहरूले लिखित समाधान नहुँदासम्म ६० दिनका लागि क्लास-एक्शन मुद्दालाई स्थगन गर्न न्यायाधीशलाई भनेको थियो।
चार वर्ष पुरानो मुद्दामा फेसबुकले अहिले बन्द भएको बेलायती राजनीतिक परामर्शदाता क्याम्ब्रिज एनालिटिका जस्ता तेस्रो पक्षहरूसँग प्रयोगकर्ताहरूको व्यक्तिगत डेटा साझेदारी गरेर उपभोक्ता गोपनीयता कानूनको उल्लङ्घन गरेको आरोप छ।
फेसबुकले आफ्नो गोपनीयता अभ्यासहरू यसको खुलासासँग मिल्दोजुल्दो रहेको बताउँदै कुनै पनि कानुनी दाबीलाई समर्थन नगर्ने प्रस्ट पारेको छ।
फेसबुक र यसका गिब्सन, डन र क्रुचरका वकिलहरूले सम्झौताको बारेमा थप विवरणहरूको लागि अनुरोधलाई कुनै प्रतिक्रिया नदिएको द गार्जियनमा उल्लेख छ।
