१२ चैत, एजेन्सी। ट्विटरले दिइरहेको निः शुल्क ब्लु चेकमार्क अन्ततः अन्त्य हुने भएको छ । अप्रिल १ तारिखदेखि पैसा नतिर्ने प्रयोगकर्ताहरूको ब्लु चेकमार्क हट्ने भएको हो ।
एलन मस्कले अक्टोबरमा कम्पनीको स्वामित्व ग्रहण गरेदेखि नै सरकारी अधिकारीहरू, निगम तथा व्यक्तिगत ट्विटर अकाउन्ट भेरिफाइ गर्नका लागि शुल्क तोकिने बताएका थिए । ट्विटरले तीन प्रकारका चेकमार्क विभिन्न शुल्कमा उपलब्ध गराउने भएको छ ।
ट्विटरले अफिसियल अकाउन्टमार्फत नै अप्रिल १ देखि शुल्क नतिर्ने प्रयोगकर्ताहरूको चेकमार्क हटाउन सुरू गर्ने भएको छ ।
ट्विटरले ल्याएको ब्लु चेकमार्कका लागि मासिक ८ डलर शुल्क तोकिएको छ ।
