इन्टरनेट हाम्रो आधुनिक जीवनको अभिन्न अंग बनिसकेको छ, यति धेरै, कि संयुक्त राष्ट्रले पनि इन्टरनेट पहुँच मानव जातिको एक आधारभूत अधिकार हो भन्छ। यधपी सबैको धारणा एकै नहोला तर व्यावसायिक आवश्यकताहरूदेखि व्यक्तिगत मनोरञ्जनसम्म आधारभूत डिजिटल समाजीकरणसम्म, ईन्टरनेटमा हाम्रो निर्भरताले हाम्रो जीवनलाई अन्तरसम्बन्धित आनन्द प्रदान गरेको छ।
बढ्दो पूर्वाधार, किफायती, र यसको पहुँचको आधारमा भन्ने हो भने इन्टरनेटको प्रयोगकर्ता बढ्दो संख्यामा मात्रै देख्न सकिन्छ।
इन्टरनेशनल टेलिकम्युनिकेसन्स युनियन (ITU) का अनुसार कोभिड-१९ महामारीको समयमा विश्वव्यापी इन्टरनेट प्रयोगकर्ता १० प्रतिशतले बढेको छ। यो पछिल्लो दशकमा सबैभन्दा ठूलो वार्षिक वृद्धिदर हो। यससँगै ७ अर्ब ८ करोड मानिसमध्ये ६३ प्रतिशत इन्टरनेटमा जोडिएका छन् ।
नेपालमा इन्टरनेट सेवा प्रदायकहर बीच पछिल्लो समय निक्कै नै घम्सा घम्सि पर्न शुरु भएको छ, उक्त घम्सा घम्सिको श्रेय भने CG Net लाइ नै जान्छ। विगतमा ८० एम्बिपिएस ब्यान्डविथ भन्दा माथिको स्पिडमा इन्टरनेट नदिएका उक्त सेवा प्रदायकहरू अहिले १५० भन्दा माथिको ब्यान्डविथको इन्टरनेट उपलब्ध गराउंदै आएका छन्।
के छ त CG Net को अवस्था?
जब CG Net ले आफ्नो 120Mbps घरेलु योजनाहरू प्रस्तुत गर्यो, यसले ताजा हावाको सास जस्तै महसुस त गरायो तर प्रचार अनुसारको सुविधा भने दिन सकेन।
धुमधाम फुर्तिफार्तिका साथ् सस्तोमा गुणस्तरीय इन्टरनेट सेवा दिने भन्दै प्रचार- प्रसार गरिएको १२० एम्बिपिएस ब्यान्डविथको CG Net २० देखि ५०एम्बिपिएस ब्यान्डविथ को दायरामा चल्छ भने फ़ाट्टफ़ुट्ट ५० कट्ने सम्भावना रहन्छ।
नेपालि इन्टरनेट सेवा प्रदायकहरूले देखाएको परम्परागत ठगीको धन्दा त छोडेन नै, अझ अरुको तुलनामा यसको ग्राहक सेवाको पाटो झनै खराब छ, केहि मुख्य ठाउंहरुमा मात्रै बिस्तार हुँदै आइरहेको उक्त इन्टरनेट सेवा प्रदायकले आफ्ना ग्राहकहरुलाई भने खास्सै चासोको विषय बनाएको देखिदैंन, इन्टरनेटमा समस्या आएर फोन गर्दा होस् या अन्य सहयोगका लागि होस् ग्राहक सेवा केन्द्रले न त कल नै रिसिभ गर्छ न त समस्या बताइसकेपछि चुस्त समाधान हुन्छ।
विस्तारकै क्रममा रहेको उक्त इन्टरनेट सेवा प्रदायकले आफ्नो सेवाहरुलाई थप मजबुद नबनाए उम्रिदै गरेको कोपिला फक्रिन नपाई कुहिने निश्चितप्राय: देखिन्छ।
