नेपालको सबैभन्दा ठूलो अनलाइन बजार दराजले आँचल कुँवरलाई नयाँ एमडी नियुक्त गरेको छ । दराजमा आवद्ध हुनुअघि उनी इकमर्स कम्पनी अमेजनमा व्यवस्थापकीय पदमा काम गरिरहेकी थिइन्।
कुँवरले विगत ३ वर्षदेखि दराज नेपाललाई नयाँ उचाइमा पुर्याउने निवर्तमान एमडी लिनो अहलेरिङको स्थान लिनेछिन। रकेट इन्टरनेट एसईबाट अलिबाबा समूहद्वारा दराजलाई लिएर यो परिवर्तन आएको हो।
कुँवर उच्च पदमा विदेशमा १५ वर्ष काम गरेको अनुभव भएकी अनुभवी पेशेवर हुन्। विगत ५ वर्षदेखि उनी अमेजनमा थिइन् जहाँ उनले विभिन्न पदमा सेवा गरिन् । त्यसअघि, उनले कार्लसन वागनलिट ट्राभलमा ८ वर्षभन्दा बढी समय सेवा गरिन्। यो अनुभव उनको एमडीको रूपमा कार्यकालमा दराज नेपालको नेतृत्व गर्न महत्वपूर्ण हुनेछ।
त्यस्तै, उनीसँग मिनेसोटा विश्वविद्यालय – कार्लसन स्कूल अफ म्यानेजमेन्टबाट रणनीति(strategy) विषयमा एमबीए डिग्री समेत छ।
कम्पनीले नोभेम्बर 11 एकल बिक्री दिनमा आफ्नो सबैभन्दा ठूलो किनमेल बिक्री देखेको छ र उक्त समूहले आगामी ५ वर्षमा आफ्नो खुद्रा बिक्री दोब्बर बनाउने लक्ष्य राखेको छ जसको सम्पूर्ण जिम्मा अब उनको काँधमा परेको छ।
दराजको नयाँ एमडीमा आँचल कुँवरको नियुक्तिले पनि महिलाका लागि नेपालमा नयाँ उदाहरण स्थापित गर्न सक्छ। केहि हदसम्म लैङ्गिक भिन्नता अवस्थित भएता पनि दराजमा उनको अग्रणीले धेरै महिलाहरूलाई नेपाली व्यवसायिक घरहरूमा शीर्ष व्यवस्थापनमा प्रवेश गर्नको लागि एक मञ्च निर्माण गर्ने कुरामा आशा लिन सकिन्छ।
