राष्ट्रिय आविष्कार केन्द्रमा क्यालिब्रेसन ल्यावको निर्माण कार्य सुरु भएको छ।
अस्पतालहरुमा प्रयोग गरिने बिभिन्न किसिमका चिकित्सा उपकरणहरुको नाप-जाँच गरेर सो उपकरणले ठिक संग काम गरेको छ कि छैन भनेर जाँच्ने र प्रमाणीकरण गर्न चाहिने प्रयोगशाला लाई क्यालिब्रेसन ल्याव भनिन्छ।
नेपालका अस्पतालहरुले आफुले किनेको मेडिकल उपकरणहरुको नाप जाँच गर्न र प्रमाणीकरण गर्न भारत पठाउनु पर्ने रहेछ अथवा धेरै पैसा तिरेर भारतबाट बिषेशज्ञ झिकाउने चलन रहेछ। यो काम गर्न महँगो पर्ने हुनाले कतिपय अस्पतालहरुले त्यस्तो जांच नगर्दा रहेछन। यहि कुरालाई ध्यानमा राखेर राष्ट्रिय आविष्कार केन्द्रले यो ल्याब बनाउदै गरेको जनाएको छ।
कम्तिमा एक पटक जाँच नगरिएका चिकित्सा उपकरणहरुले सहि रिपोर्ट नदिने भएकाले यो एक अत्यावश्यक ल्याव हो तर नेपालमा अहिलेसम्म यस्तो किसिमको ल्याव बनाइएको छैन।
