इन्टरनेट जडान गर्दा ध्यान दिनुपर्ने कुराहरु !

नेपालमा इन्टरनेटको माहौल

आजभोलि धेरैलाई इन्टरनेटबिना नै दिन कटाउनु भनेको मरुभूमिमा पानी नपिई हिँडिरहनु जत्तिकै कठिन पूर्ण काम हुन सक्छ । हेर्ने हो भने नेपाल दूर सञ्चार विभागका अनुसार जुलाई २०२१ सम्म आइपुग्दा नेपालका करिब ९०.५६% जनसङ्ख्या इन्टरनेटको पहुँचमा छन्। कोही मोबाइल डेटाका प्रयोगकर्ता छन् त कोही wifi का।अहिले कोरोनाको महामारीले गर्दा पनि घरबाटै शिक्षा वा कामको सिलसिलामा घरमै इन्टरनेट जडान गर्नेको सङ्ख्या पनि दिनानुदिन बढिरहेको छ।

इन्टरनेट जडान गर्दा के के कुरामा ध्यान दिनुपर्छ ?

१. इन्टरनेटको गति { speed}

अहिले बजारमा इन्टरनेट सुविधा दिने Worldlink, Vianet, Subisu, ClassicTech, CG जस्ता थुप्रै संस्थाहरू छन्। यी संस्थाहरूले आफूलाई चाहिए अनुसार फरक फरक गतिको इन्टरनेट सुविधा उपलब्ध गराउने गर्दछन्। यदि ग्राहकले टिभीमा समेत नेट चल्ने गरी इन्टरनेट जडान गर्न चाहे त्यसै अनुसारको इन्टरनेट स्पिड हाल्नुपर्दछ। याद रहोस् – इन्टरनेटको स्पिड mbps मा मापन हुन्छ।

२. इन्टरनेटको मूल्य

बढ्दो ग्राहक सङ्ख्या र बढ्दो इन्टरनेटसँग सम्बन्धित संस्थाका कारण बजारमा अहिले निकै नै प्रतिस्पर्धा चलिरहेको छ र यसको सिधा फाइदा ग्राहक बर्गहरुलाई हुने गर्दछ। ग्राहकहरूले सस्तो मूल्यमा द्रुत इन्टरनेट गति हेरि त्यही नेटलाई जडान गर्न पहिलो प्राथमिकता दिनुपर्दछ।

३. ग्राहक सुविधा

इन्टरनेट सुविधा दिने संस्थाले के कस्तो सुविधा दिएका छन् , इन्टरनेट अथवा राउटरमा आइरहने समस्यालाई के कति समयमा ठिक गरेका छन् या समस्या नै आउन दिई रहेका छैनन् , ग्राहकहरूसँग कत्तिको शिष्टाचार अनि समयनिष्ठ छन् भन्ने कुरालाई पनि मध्यनजर गरी इन्टरनेट जडान गर्नु विशेष अनि प्रशंसनीय रहनेछ।