डिजिटल नेपाल फ्रेमवर्कमा योगदान पुर्याउँदै नेपालमा सूचना र प्रविधिको महत्त्व प्रवर्द्धनको उदेश्य लिई तीन स्तम्भहरू: शिक्षा, तालिम र प्रवर्द्धनका लागि नर्मा एजुकेशनले शुरु गरेको प्रोजेक्ट शुन्यले PK IT Club को सहकार्यमा यहि असार ८ गते बुधबारका दिनदेखि असार १० गते शुक्रबार सम्म पोर्टफोलियो निर्माण सम्बन्धि तीन दिने बुटक्याम्प आयोजना गर्ने भएको छ।
बुटक्याम्पमा मुख्यतया: Roadmap to Web development, LinkedIn optimization र Portfolio building गरि ३ ओटा विषयहरुमा वृस्तृत जानकारी तथा तालिम प्रदान गरिनेछ भने फुल स्ट्याक डेभलपर नारायण न्यौपाने र Reflex IT Solution का प्रमुख कार्यकारी निशान्त फुयालले प्रशिक्षण दिनुहुने छ।
८,९ र १० गरि तिन दिनसम्म हुने उक्त बुटक्याम्पको पहिलो दिन वेब डेभलपमेण्टको बारेमा बुझाउँदै HTML र CSS का बारेमा आधारभूत ज्ञान प्रदान गरिनेछ भने मर्केण्टाइल बाट नि:शुल्क पाइने .np एक्स्टेन्सनको डोमेन दर्ता प्रक्रिया समेत सिकाइनेछ।
त्यसैगरी ९ गते Portfolio building को बारेमा सिकाइनेछ भने १० गते website deployment र LinkedIn optimization को बारेमा सिकाउँदै प्रश्नोत्तर सेसनका साथ् बुटक्याम्प समापन गरिनेछ।
बुटक्याम्प असार ८,९ र १० गते विहान १०:३० देखि मध्यान्न १२ बजे सम्म संचालन हुनेछ भने उक्त बुटक्याम्पमा पद्मा कन्या क्याम्पसका सम्पूर्ण विधार्थीहरु उपस्थित् भई लाभ उठाउन सक्नेछन।
