नेपाल टेलिकमको नेटवर्कमा देशैभर समस्या देखिएको छ । टेलिकमको प्रि-पेड र पोस्टपेड दुवै मोबाइलमा मङ्गलवार बिहानैदेखि समस्या आएको उपभोक्ताहरूले बताएका छन् । मोबाइलमा सम्पर्क नहुने समस्या आएपछि देशभरका लाखौँ सेवाग्राही समस्यामा परेका छन् ।
नेपाल टेलिकमका सिम बाट कुनै पनि नेटवर्कमा फोन नजाने समस्या आएपछि उपभोक्ताहरू आक्रोशित बनेका छन् भने टेलिकममा आएको समस्याको पनि पहिचान भैसकेको छैन।
टेलिकमबाट फोन गर्दा सिधै कल इण्ड देखाउने र कुनै प्रतिक्रिया नआउने समस्या रहेको छ भने यसको मोबाइल डेटा पनि चलेको छैन।
उपभोक्ताहरूको गुनासो पछि टेक कागजका सम्वाददाताले NCELL को नेटवर्कबाट टेलिकमका पदाधिकारीहरूलाई सम्पर्क गर्दा समेत कुनै पदाधिकारी सँग सम्पर्क हुन सकेको छैन भने कुनैले फोन नै रिसिभ गरेका छैनन्।
सम्पर्कको माध्यमको रुपमा टेलिकमको वेबसाइट प्रयोग गर्न खोज्दा वेबसाइट समेत नचलेको र मर्मत कार्य भईरहेको देखाइएको छ। केहि दिन अगाडी सोहि किसिमको सेवा अवरुद्दको समस्या इन्टरनेट सेवा प्रदायक CG Net/Telecom मा पनि देखिएको थियो।
देशकै नम्बर १ को वरियतामा रहेको सरकारी मातहतको टेलिकम सेवा समेत यति लामो समयसम्मा सेवा बाहिर रहनुले टेलिकमका कर्मचारीहरुको लापरवाहीले पराकास्टा नाघेको प्रस्टै देखिन्छ। यी र यस्ता घटनाहरुमा सरकारको मौनताले समेत मार माथि मार थपिएको उपभोक्ताहरुको गुनासो छ।
यो पनि पढ्नुहोस् ….
