१४ चैत्र २०७९, मंगलवार

सबैले विद्युतीय सवारी साधन प्रयोग गरौँ : कुलमान घिसिङ



३० फागुन, काठमाडाैँ । नेपाल विद्युत प्राधिकरणका प्रबन्ध निर्देशक कुलमान घिसिङले विद्युतीय सवारी साधन प्रयोग गर्न सबैलाई आह्वान गरेका छन् । सोमबार काठमाडौंमा आयोजित एक कार्यक्रममा बोल्नुहुँदै प्रबन्ध निर्देशक घिसिङले विद्युतीय सवारी साधन प्रयोग गर्न सबैलाई आह्वान गरेका हुन् ।

उनले विद्युतमा गरिएको लगानी सँगसँगै विद्युत खपत पनि बढाउने कार्ययोजना रहेकाले सोही अनुरूप विद्युतीय सवारी साधनहरू आइरहेका बताए । प्रबन्ध निर्देशक घिसिङले पेट्रोल तथा डिजेलबाट चल्ने सवारी साधनहरूभन्दा विद्युतबाट चल्ने सवारी साधन कयौँ गुणा सस्तो पर्ने औँल्याए ।

त्यस्तै, विद्युतीय सवारी साधनको प्रयोगले प्रदूषण पनि घट्ने भन्दै प्रबन्ध निर्देशक घिसिङले विद्युतीय सवारी साधन प्रयोग गर्नुको फाइदा मात्रै भएको बताए । उनले वातावरणीय र स्वास्थ्य सुरक्षाको दृष्टिले विद्युतीय सवारी साधन नै उपयुक्त भएको जानकारी दिए ।

पेट्रोल, डिजेलमा प्रतिकिलो मिटर १०÷१२ रुपियाँ पर्छ र गाडीहरूमा प्रति किलोमिटर खर्च चाहिँ एक रुपियाँभन्दा कम छ विद्युतीय सवारीमा । ६० पैसादेखि ९० पैसाको हाराहारीमा । जबकि पेट्रोल, डिजेलको १५÷२० रुपियाँ पर्छ । मर्मत खर्च पनि एकदमै कम छ, किनभने इन्जिन हुँदैन । सञ्चालन खर्च नि कम छ, उपभोक्तालाई फाइदा छ ।,’’ प्रबन्ध निर्देशक घिसिङले भने, ‘‘पेट्रोल, डिजेलको गाडिले जुन प्रदूषण आइरहेको छ, काठमाडौं लगायत विभिन्न सहरहरूमा । विद्युतीय सवारी साधन चल्दाखेरी त्यो प्रदूषण पनि हट्छ । वातावरणको हिसाबले, स्वास्थ्य सुरक्षाको हिसाबले उपयुक्त सवारी साधन भनेको विद्युतीय सवारी साधन नै हो । यसले नेपाललाई क्लिन र इनर्जी, कार्बन न्युट्रलतिर लानलाई ठूलो सहयोग गर्नेछ । आगामी दिनमा सबैले विद्युतीय सवारी साधन प्रयोग गरौँ ।’’

उनले नेपालमा बर्खायाममा पर्याप्त विद्युत रहेको भन्दै आगामी दुई वर्षभित्रमा हिउँदे याममा पनि विद्युत पुग्ने स्थिति हुने बताए ।


१३ चैत, काठमाडाैँ । एयर ट्राफिक कन्ट्रोलर (एटीसी) को अनुमतिबिना जहाज १५ हजार फिटमा तल

११ चैत, चितवन । यातायात व्यवस्था कार्यालयले चितवनबाटै लाइन्सेन्स वितरण सुरु गर्ने भएको छ ।

१० चैत, काठमाडाैँ । एनआईसी एसिया बैैंकको कार्डसम्बन्धी सम्पूर्ण सेवा दुईदिन अवरुद्ध हुने भएको

१० चैत, काठमाडाैँ । नेपाल नागरिक उड्डयन प्राधिकरणले एयर ट्राफिक कन्ट्रोलर (एटीसी) सँग अश्लिल शब्द