३१ वैशाख, एजेन्सी । एलन मस्कले चर्चित सामाजिक सञ्जाल ट्विटरको नयाँ सिइओ नियुक्त गरेका छन् । सामाजिक सञ्जाल खरिद गरेको करीब ६ महिनापछि उनले नयाँ सिइओ नियुक्त गरेका हुन् ।

यसभन्दा अघि मस्कले ट्विटरको कार्यकारी पदमा रहेका थिए ।

अर्बपति मस्कले एनबीसीयुनिभर्सलमा विज्ञापनका पूर्व प्रमुख लिन्डा याकारिनोले अब ट्विटरको नेतृत्व गर्ने बताएका छन् । उनको अगाडी ट्विटरलाई नाफाको बाटोमा लैजाने चुनाैति दिइएको छ ।

याकारिनोले छ हप्तामा काम सुरु गर्ने बताएका छन् ।

मस्क कार्यकारी अध्यक्ष र प्रमुख प्रविधि अधिकारीको रूपमा ट्विटरमा संलग्न भइरहनेछन् ।

गत वर्ष सामाजिक सञ्जाल प्लेटफर्म ४४ अर्ब डलरमा किनेका मस्कलाई कम्पनीको नेतृत्व गर्ने र आफ्नो ध्यान विद्युतीय कार निर्माता टेस्ला र रकेट फर्म स्पेसएक्सलगायतका अन्य व्यवसायहरूमा केन्द्रित गर्नका लागि ट्विटरको सिइओ खोज्न चर्को दबाब थियो।

विश्वभर ५०० प्रमुख टेक कम्पनीहरूमध्ये जम्मा १० प्रतिशतमात्रै महिलाको नेतृत्वमा रहेका छन् । ट्विटरको सिइओ भएसँगै याकारिनो प्रमुख प्राविधिक कम्पनीको नेतृत्व गर्ने महिलाको एक उदाहरण हुनेछिन् ।