काठमाडौं । विश्वकै प्रमुखमध्येको विद्युतीय सवारी निर्माता बीवाईडीले काठमाडौंमा हाई–टेक विक आयोजना गरेको छ । फागुन १५ देखि १८ गतेसम्म बीवाईडी हाइ–टेक विक चल्ने छ ।
अटो प्रविधिमै विश्वव्यापी अब्बल मानिँदै आएको बीवाईडीले नेपालमा अहिले ‘बीवाईडी हाई–टेक विक–२०२५’ को आयोजना गरिरहेको छ ।सो आयोजनामा बीवाईडीले आफ्ना नयाँ मोडलका गाडी शाेकेसमा राखेको हो । शाेकेसमा राखिएका उक्त मोडलका गाडीले नेपाली अटो बजारमा एउटा ‘टर्निङ प्वाईन्ट’ को रूपमा हुने देखिन्छ । अहिले उक्त कार्यक्रममा बाओ ५, यु ८, डेन्जा जेड ९ जीटी, डेन्जा डी ९ र बीवाईडी शार्क ६ पिकअप मोडलका गाडी राखिएका छन् ।
जसमध्ये बीवाईडी शार्क ६ र डेन्जा डी ९ राइट–ह्यान्ड–ड्राइभ आएका छन् भने बाँकी मोडल लेफ्ट–ह्यान्ड–ड्राइभमा रहेको नेपालका लागि बीवाईडीको बिक्रेता साइमेक्स इंकले जानकारी दिएको छ । कम्पनीका अनुसार राइट–ह्यान्ड–ड्राइभ गाडी भने केही समयपछि नेपालमा बिक्री वितरण सुरु गर्ने तयारी छ ।
बीवाइडीको टेक वीकमा फेङचेङ बाओ ब्रान्डको लियोपार्ड ५ अफरोड एसयूभी, बीवाइडीको पहिलो इलेक्ट्रिक सार्क पीकअप र याङवाङ ब्रान्डको यू८ इन्टेलिजेन्ट फोर ह्वील ड्राइभ एसयूभी प्रदर्शनी भएका छन् । यी सबै भेहिकलहरू प्लगइन हाइब्रिड हुन्। नेपालमा पहिलो पटक आयोजना भएको हाइटेक वीकमा आयोजनामा नेपाली अटोमोवाइल पारखीहरूको लागि बीवाइडीको फ्युचर टेक्नोलोजी र लाइनअप देखाइएको छ ।
