डोमेन नाम छान्नु वेबसाइट निर्माणको लागि सबैभन्दा महत्त्वपूर्ण कार्य हो। हामीले खोल्ने वेबसाइटहरू सबैको आफ्नो छुट्टै डोमेन नाम हुन्छ। हामीले गुगलमा गएर कहिले काहीँ www.facebook.com, www.techkagaj.com, हरू लेखेर त्यसकै वेबसाइटमा पुग्छौ। त्यही नै त्यो कम्पनीको डोमेन नाम हो।
डोमेन नाम वेबसाइटको लागि अलग ठेगाना हो। यो IP ठेगानालाई हामीले भाषामा सरला रुपमा बुझ्उने नाम मात्र हो। हजुरले 2606:4700:3033::ac43:bc6f: भनेर देख्दा अनि हरेक पटक यो याद गरेर लेखिराख्डा अफ्ठ्यारो र पट्यार लाग्दो हुन्छ, तर त्यसैलाई www.techkagaj.com भन्यो भने बुझ्नेलाई र लेख्नेलाई एकदम सजिलो भएकाले डोमेन नाम बनाइएको हो।
फरक डोमेन नामले कुनै पनि ब्रान्डिङलाई बलियो बनाउन सक्छ। त्यसैले सही डोमेन नाम रोज्नु एकदम आवश्यक छ। जति सजिलो र मिलेको डोमेन नाम, उति छिटो दर्शकहरूले तपाईँको वेबसाइट फेला पार्न सक्छन्।
यदि तपाईँ आफ्नै ब्रान्ड बनाउँदै हुनुहुन्छ, र तपाईँको लक्ष्य आफैलाई ब्रान्डको रूपमा स्थापित गर्ने हो भने, डोमेन नामको रूपमा आफ्नो नाम रोज्न एकदम प्रभावकारी हुन्छ।
यदि कुनै व्यवसाय होस् वा स्टार्टअपका लागि कुनै विचार होस्, तपाईँले बलियो अनलाइन उपस्थिति बनाउनु आवश्यक छ। त्यसका लागि आफ्नो डोमेन नाम राख्दा बढी प्रभावकारी बन्छ।
फाइदाहरु:
- यदि तपाइले आफ्नो नाममा डोमेन बनाउनु हुन्छ भने तपाईँको व्यापारमा व्यावसायिक विश्वसनीयता थपिन्छ। यसरी तपाइको कम्पनी जस्ता हजारौँ वेबसाइटबाट तपाईँ फरक देखिनु हुन्छ।
- आफ्नो नामको डोमेन नाम राख्नु भनेको आफ्नो एउटा पहिचान बनाउनु जस्तै हो। त्यो पहिचान अरू नामले पनि बन्न त सक्ला तर आफ्नो नामको डोमेन हुँदा त्यो कम्पनी आफूसँगै सम्बन्धित भएर आइदिन्छ। यसो गर्दा तपाइले अनलाइन रूपमा आफ्नो इलाका कोरेजस्तै हो।
- तपाईँले आफ्नो नामको डोमेन नाम राख्दा सर्च इन्जिनको स्तर बढाउँछ । तपाईँले निर्माण गर्नु भएको व्यवसायमा गुणस्तरीय सामग्रीको साथ आफ्नो वेबसाइट विकास गर्नुहुन्छ भने तपाईँको आफ्नो डोमेन नाम गुगल जस्ता खोज इन्जिनहरूमा झन् बढी पहिचान योग्य बन्नेछ। यसले अझै धेरै ग्राहकहरूलाई आकर्षित गर्दछ।
- डोमेन नाम कुनै भौगोलिक क्षेत्रमा सीमित हुँदैन । त्यसैले आफ्नो नामको डोमेन हुँदा तपाईँको ब्रान्डलाई विश्वभरि बजारको सुविधा प्रदान हुनुका साथै आफ्नो नाम विश्वव्यापी रूपमै चर्चित हुनेछ।
- परम्परागत मार्केटिङको विपरीत, आफ्नो नामको डोमेन हुँदा कम वार्षिक शुल्क मै बढी प्रभावकारी मार्केटिङ गर्न सकिन्छ।
