चौधरी ग्रुप (CG Corp Global) को नेपाली इन्टरनेट सेवा प्रदायक CG Net ले नेपालमा भिडियो OTT प्लेटफर्म र IPTV सेवा सुरु गर्ने तयारी गरिरहेको छ।

उक्त इन्टरनेट सेवा प्रदायकले IPTV र OTT सेवाहरू उपलब्ध गराउन भारतमा आधारित विश्वव्यापी दूरसञ्चार सेवा कम्पनी एयरटेलसँग साझेदारी गरिरहेको छ। CG Net ले आफ्ना दुबै सेवाहरू निर्माण गर्न ‘Airtel IQ Video’ सोलुसन प्रयोग गर्नेछ।

Airtel IQ Video Airtel IQ—Communications Platform as a Service (CPaaS)- को एक भाग हो जसले CG Net जस्ता कम्पनीहरूलाई भिडियो OTT एप जस्ता भिडियो स्ट्रिमिङ उत्पादनहरू बनाउन प्लेटफर्मको प्रयोग गर्न अनुमति दिन्छ।

यसको मतलब, Airtel IQ Video सोलुसन अन्तर्गत, Airtel ले एपको विकास, सामग्री होस्टिङ, क्युरेसन र जीवनचक्र व्यवस्थापन, खोज, विश्लेषण, र मुद्रीकरण मोडेलहरूको हेरचाह गर्नेछ, जसमा विज्ञापन, सदस्यता, र, लेनदेन जस्ता महत्वपुर्ण कुराहरु समावेश हुनेछन।

CG नेट र अन्य ISP हरू
कम्पनीले २०२१ मा ISP उद्योगमा प्रवेश गरेपछि नेपालमा ISP युद्ध सुरु भएको थियो। कम मूल्यमा सबैभन्दा छिटो इन्टरनेट स्पीड प्रदान गर्ने आफ्नो पहिलो इन्टरनेट योजना सार्वजनिक गर्दा यसले बजारमा हंगामा मच्चाएको थियो। यसकै कारण ओर्ल्डलिङ्क, भायनेट र क्लासिक टेक जस्ता अन्य नेपाली आईएसपीहरूले पनि उच्च इन्टरनेट स्पीड योजनाहरू प्रस्ताव गर्न थालेका छन्।

ग्राहक सेवा बाहेक सम्पूर्ण खाले सेवाहरुमा उपलब्ध अरु इन्टरनेट सेवा प्रदायक भन्दा बलियो देखिएको CG Net ले IPTV र OTT सेवाको शुरुवात गरे थप ग्राहकहरु आकर्षित गर्ने निश्चितप्राय: छ।