२७ असार, एजेन्सी । चर्चित म्याेजिङ एप ह्वाट्सएपले विभिन्न नयाँ फिचरहरू सार्वजनिक गर्ने घोषणा गरिरहेको छ। एपलाई थप परिस्कृत र आकर्षक बनाउनका लागि मेटाको स्वामित्व रहेको कम्पनी निरन्तर प्रयासरत छ।

ह्वाट्सएपले आगामी दिनमा सार्वजनिक हुने केही फिचरको बारेमा जानकारी दिएको छ भने केही गोप्य नै रहेका छन्। हामीले यस साग्रीमा ह्वाट्सएपले २०२२ मा ल्याउनसक्ने पाँच फिचरहरूको बारेमा चर्चा गरेका छाैँ।

१. एडिटिङ टेक्स्ट म्यासेज (Editing Text Message)

वेभबेटाइन्फोमा प्रकाशित रिपोर्टका अनुसार मेटाको स्वामित्व रहेको यस कम्पनीले पठाइ सकेका म्यासेजहरू पनि एटिड गर्ने सुविधा ल्याउन लागेको छ। प्रयोगकर्ताहरूले निश्चित समयभित्र पठाइ सकेका टेक्स्ट म्यासेज पनि सम्पादन गर्न सक्नेछन्।

यस सुविधाको बारेमा कुनै आधिकारिक स्पष्टीकरण छैन। तथापि, यो फिचर बेटा भर्सनमा देखिएको थियो। सोही कारण २०२२ मा यो फिचर  एन्ड्रोइड र आईओएसमा पनि देख्न सकिने प्रबल संभावना रहेको छ।

पठाएको म्यासेज सम्पादन गर्ने सुविधा अब सबै च्याटिङ प्लेटफर्महरूमा आवश्यक भएको छ। एप्पलले पनि आगामी आईओएस १६ अपडेटको साथ आफ्नो iMessage को लागि यो सुविधा लन्च गर्ने तयारी गरेको छ।

२. म्यासेज रियाक्सनको नयाँ भर्सन

ह्वाट्सएपले हालै लन्च गरिएको म्यासेज रियाक्सनको लागि धेरै नयाँ सुविधाहरूमा थप्नका लागि काम गरिरहेको छ। नयाँ भर्सनमा प्रयोगकर्ताहरूले म्यासेज रियाक्सनका लागि आँफैले इमोजी थप्न सक्नेछन्।

यो प्यानलमा इमोजी स्क्रोलिङ ट्रे खोल्नको लागि थप चिन्ह सहितको बटन हुने बताइएको छ। यो फिचर फेसबुक म्यासेन्जरसँग मिल्दोजुल्दो हुने हल्ला चलिरहेको छ।

साथै, यस भर्सनमा नियमित इमोजीजस्तै स्कीन टोन इमोजी विकल्प हुनेछ। जसले प्रयोगकर्तालाई तिनीहरूको रंग परिवर्तन गर्न अनुमति दिन्छ।

३. स्टाटस रिप्लाइ इन्डिकेटर (Status Reply Indicator)

यो सुविधा अन्य भन्दा बढी रोचक छ। प्रयोगकर्ताहरूको ह्वाट्सएप स्टाटसमा कसैले रिल्पाइ गरेका सिधै च्याट सेक्सनमा यसले देखाउनेछ। यो फिचरले प्रयोगकर्तालाई स्क्रिनसट हेर्न सजिलो हुने अनुमान गरिएको छ।

अहिले आईओएसको बेटा भर्सनमा मात्र उपलब्ध यो फिचर यसै वर्ष एन्ड्रोइडमा समेत देखिने अनुमान छ।

४. अनडु म्यासेज डिलेसन (Undo Message Deletion)

धेरै म्यासेजिङ एपहरूमा अहिले पठाइसकेको म्यासेज डिलेट गर्ने सुविधा आइसकेको छ। तर, ह्वाट्सएपले भने डिलेट गरिएको म्यासेज पनि पुनः रिकभर गर्ने फिचर ल्याउने भएको छ।

भर्खरै, ह्वाट्सएपको बेटा भर्सनमा एउटा नयाँ सुविधा सार्वजनिक गरिएको थियो जसले प्रयोगकर्तालाई सीमित अवधिमा सन्देश डिलिट गर्ने कार्यलाई उल्टाउन अनुमति दिन्थ्यो। त्यस्तै, सुविधा अव सबै भर्सनमा उपलब्ध हुने अपेक्षा गरिएको छ।

५. हाइड योर एक्टिभ स्टाटस (Hide Your Active Status)

ह्वाट्सएपले आईओएसको बेटा भर्सनमा प्रयोग कर्ताको एस्टिभ स्टाटस लुकाउने फिचर सार्वजनिक गरिसकेको छ। छनाैट गरिएका निश्चित व्यक्तिहरूले मात्रै प्रयोगकर्ताको एक्टिभिट स्टाटस थाहा पाउन  सक्नेछन्।

अन्य भर्सनमा यो फिचर कहिले सार्वजनिक हुन्छन् भन्ने निश्चित मिति यकिन छैन । तथापी, बेटा भर्सनमा परीक्षण भइरहेका कारण यो सुविधा चाँडै सबै भर्सनमा देखिने अपेक्षा छ।