२४ फागुन, एजेन्सी। चर्चित टेक कम्पनी एप्पलले नयाँ रंगमा आइफोन १४ सार्वजनिक गरेको छ। एप्पलले पछिल्लो रंगभन्दा पृथक पहेँलो रंगको आइफोन १४ र आइफोन १४ प्रो सार्वजनिक गरेको हो ।
एप्पलले आइफोन १२ मोडलदेखि नयाँ रंगमा समेत आइफोन सार्वजनिक गरिरहेको छ। एप्पलले २०२१ मा पर्पल रंगको आइफोन १२ र गत वर्ष हरियो रंगको आइफोन १३ र आइफोन १३ प्रो सार्वजनिक गरेको थियो ।
अब आइफोन १४ सिरिज अन्तर्गत ग्राहकहरूले ६ वटा रंगका फोनहरू छान्न पाउनेछन् । अहिलेसम्म एप्पलले पहेँलो, पर्पल, नीलो, कालो, जुनेली र रातो रंगमा आइफोन १४ उपलब्ध गराएको छ ।
पछिल्लो पटक सार्वजनिक आइफोन १४ मा रंग मात्रै परिवर्तन गरिएको र अन्य फिचर भने २०२२ सेप्टेम्बरमा सार्वजनिक भएको यो सिरिजको सेटकै रहेको एप्पलले प्रष्ट पारेको छ ।
