६ चैत्र, काठमाडाैँ । नेपाली बजारमा ‘अनर’ ब्राण्डको नयाँ मोबाइल सार्वजनिक भएको छ । नेपालमा अनरका उत्पादनहरू बिक्री गरिरहेको आधिकारिक राष्ट्रिय वितरक सेलट्रोन नेपाल प्रा. लिले नेपालमा सस्तो मूल्यमा आफ्नो एन्ट्री लेभल फोन सार्वजनिक गरेको हो ।
सेलट्रोनले नेपाली ग्राहकहरूका लागि उपयुक्त मानिएको अनर एक्स५ (HONOR X5) सार्वजनिक गरेको जानकारी दिएको छ ।
२ जिबि र्याम र ३२ जिबि ईन्टरनल स्टोरेज क्षमताको मेमोरि भएको उक्त फोनको मुल्य ११ हजार ९९० तोकिएको कम्पनिले जनाएको छ ।
नवीनतम प्रविधि प्रयोग गरिएको यस फोनमा ५००० एमएएच क्षमताको ब्याट्रि प्रयोग गरिएको छ । जसले लामो समयसम्म फोन चलाउन सकिने कम्पनीको दाबी छ ।
६.५ इन्चको अनर फुल भ्यु डिस्प्ले, मिडियाटेक हेलियो जि २५ अक्टाकोर प्रोसेसर, २ जिबि र्याम र ३२ ईन्टरनल इस्टोरेज, ८ मेगापिक्सल मुख्य क्यामेरा र ५ मेगापिक्सल सेल्फि क्यामेरा जस्ता आकर्षक फिचरहरु फोनमा रहेका छन् ।
