१५ असार, एजेन्सी । विश्वका सबैभन्दा धनी व्यक्ति एलन मस्कको ट्वीटरमा १०० मिलियन फलोअर्स नाघेका छन्। मंगलबार ५१औं जन्मदिन मनाएका मस्कको ट्टीटरमा फलोअर्सको उक्त आँकडा पार भएको हो।
मस्क सहित विश्वभर ट्वीटरमा १०० मिलियन फलोअर्सको आँकडा कटाउने व्यक्ति जम्मा ६ जना रहेका छन्। मस्क पनि १०० मिलियन फलोअर्स कटाउने बाराक ओबामा, गायक जस्टिन बिबर लगायतको सुचीमा जोडिएका छन्। विश्वका प्रतिष्ठित व्यक्तिहरूमाझ ट्वीटर चर्चित छ।
अहिले ट्वीटरमा ओबामाका १३२.१ मिलियन, बिबरका ११४.१ मिलियन, केटी पेरीका १०८.८ मिलियन, रिहानाका १०६ मिलियन र क्रिस्टियानो रोनाल्डोका १०१.३ मिलियन फलोअर्स रहेका छन्।
मस्कलाई विश्वकै सबैभन्दा सफल लगानीकर्ताको रूपमा समेत लिइन्छ।
सन् १९७१ मा जन्मिएका मस्कले स्पेसएक्स, न्युरालिंक र बोरिङ को. लगायत कम्पनीको स्थापना गरेका छन्। मस्कले ४१ बिलियन डलरमा ट्वीटर खरिद गर्ने सम्झाैता समेत गरेका छन्।
अहिले ब्लुमबर्गको रिपोर्ट अनुसार मस्कको अहिलेको सम्पत्ति २०३ बिलियन अमेरिकी डलर रहेको छ। उनी विश्वकै सबैभन्दा खुसी व्यक्ति पनि हुन्।
