एनभिडियाले विश्वकै सबैभन्दा महँगो कम्पनीको रूपमा एप्पललाई पछाडि पार्यो। कम्पनीको शेयर मूल्यमा भएको ठूलो वृद्धिले एनभिडियाको बजार मूल्य ३.५३ ट्रिलियन अमेरिकी डलर पुगेको थियो, जुन एप्पलको ३.५२ ट्रिलियन अमेरिकी डलरभन्दा थोरै मात्र माथि हो।
दोस्रो त्रैमासिकमा, एनभिडियाको शेयर मूल्यमा ०.८ प्रतिशत वृद्धि भएको थियो भने एप्पलको शेयर मूल्य ०.४ प्रतिशतले बढेको थियो। पछिल्लो केही महिनाहरूमा, एनभिडिया, माइक्रोसफ्ट र एप्पलबीचको बजार मूल्यको प्रतिस्पर्धा निकै कडा रहँदै आएको छ, जहाँ माइक्रोसफ्टको बजार मूल्य ३.१८ ट्रिलियन अमेरिकी डलर रहेको छ।
एनभिडिया सिलिकन भ्यालीको एक प्रमुख चिप निर्माता हो, जसले कृत्रिम बुद्धिमत्ता (AI) मा प्रयोग हुने प्रोसेसरहरूको आपूर्तिमा आफ्नो प्रभुत्व जमाएको छ। यो कम्पनीले AI टेक्नोलोजीको क्षेत्रमा Microsoft, Alphabet, Meta Platforms लगायतका ठूला कम्पनीहरूलाई पछाडि पार्दै ठूला उपलब्धिहरू गरिरहेको छ।
९० को दशकदेखि भिडियो गेमका प्रोसेसरहरू डिजाइन गर्दै आएको एनभिडियाले अक्टोबरमा मात्र आफ्नो शेयर मूल्यमा १८ प्रतिशतको वृद्धि गरेको छ। OpenAI को ६.६ बिलियन अमेरिकी डलरको फन्डिङ राउन्ड पछि, AI मा लगानी वृद्धि भएको छ, जसको प्रत्यक्ष फाइदा एनभिडियाले लिएको छ।
शुक्रबार Western Digital ले विश्लेषकहरूको अपेक्षाभन्दा राम्रो त्रैमासिक नाफा सार्वजनिक गरेपछि अन्य सेमीकन्डक्टर स्टकहरूले पनि उत्साहजनक वृद्धिको अनुभव गरे।
AJ Bell का लगानी निर्देशक रस मोल्डका अनुसार, “अहिले धेरै कम्पनीहरूले आफ्नो दैनिक काममा Artificial Intelligence अपनाइरहेका छन् र एनभिडिया चिपको माग उच्च छ।”
त्यसैगरी, TSMC, जुन विश्वकै ठूला चिप उत्पादकहरूमध्ये एक हो,ले AI मा प्रयोग हुने चिप्सको मागले त्रैमासिक मुनाफामा ५४ प्रतिशत वृद्धि गरेको रिपोर्ट गरेपछि गत हप्ता पनि एनभिडियाको शेयरमा उल्लेखनीय वृद्धि भएको थियो।
यता, एप्पलका स्मार्टफोनहरूको माग सुस्त भएको देखिएको छ। चीनमा एप्पलको iPhone बिक्रीमा ०.३ प्रतिशतको गिरावट आएको छ भने प्रतिद्वन्द्वी Huawei का फोनहरूको बिक्रीमा ४२ प्रतिशतले वृद्धि भएको छ।
एप्पलले आगामी बिहीबार आफ्नो त्रैमासिक प्रतिवेदन प्रकाशित गर्दैछ, जहाँ विश्लेषकहरूले ५.५५ प्रतिशत राजस्व वृद्धि हुने अपेक्षा गरेका छन्। त्यसैगरी, एनभिडियाको राजस्वमा ८२ प्रतिशत वृद्धि हुने प्रक्षेपण गरिएको छ।
एनभिडिया, एप्पल र माइक्रोसफ्टको प्रभावले अमेरिकाको S&P 500 इन्डेक्समा झण्डै एक पञ्चमांश भार योगदान पुर्याएको छ। AI को सम्भावनाप्रति आशावाद, अमेरिकी ब्याजदरमा ठूलो कटौतीको अपेक्षा, र कमाइ सिजनको सकारात्मक सुरुआतले अमेरिकी बजारको प्रमुख इन्डेक्स S&P 500 मा नयाँ उच्चतम बिन्दुमा पुग्न सहयोग गरेको छ।
एनभिडियाको उत्कृष्ट प्रर्दशनले कम्पनीको स्टकमा अप्सन ट्रेडर्सको ध्यान तानेको छ। AI को बढ्दो लोकप्रियताले सन् २०२४ मा मात्रै एनभिडियाको स्टक मूल्य १९० प्रतिशतले वृद्धि भएको छ।
एनभिडियाको प्रगति दीर्घकालसम्म टिक्ला कि अस्थायी रूपमा मात्र होला भन्ने प्रश्नले लगानीकर्ताको मनमा आशंका कायम गरेको छ। Cherry Lane Investments का पार्टनर रिक मेकलरका अनुसार, “अहिले लगानीकर्ताहरूको भावना दीर्घकालीन राजस्व प्रवाहलाई भन्दा बढी हावी देखिन्छ।”
