२१ औँ शताब्दीसम्म आइपुग्दा हातमा स्मार्टफोन नभएका मान्छे सायदै देखिंदैनन स्मार्टफोन हुँदाका समस्या पनि झेल्नु पर्ने नै भयो, यसै क्रममा मानिसहरूले आफ्नो फोन तात्ने समस्या पनि भोग्दै आइरहेका छन्। फोन कल देखि दैनिक जीवनका हरेक कामहरू फोन बाटै गर्ने हुँदा फोन तात्नु सामान्य मानिन्छ यही समस्यालाई कम गर्नका निमित्त मानिसहरूले How to cool down phone ? भनेर गुगल जस्ता सर्च इन्जिनहरुमा खोज्ने गरेको पाइएको छ।

गर्मी बढे सँगै फोन तात्ने समस्याले झनै सताउने देखिएकोले सामान्य तरिकाले यो समस्याबाट मुक्ति कसरी पाउने त भनेर हामीले केही बुँदाहरू तल उल्लेख गरेका छौ जसले How to cool down phone भन्ने तपाइंको कौतुहल्तालाई साम्य गर्नेछ।

सकेसम्म ओरिजिनल चार्जर प्रयोग गर्नुस्।

स्मार्टफोनसँगै आउने चार्जर तथा यूएसबी बिग्रिएपछि हामी ओरिजिनल सामानको सट्टा सामान्य सामान प्रयोग गर्न थाल्छौँ। तर सस्ता सामानले डिभाइसहरूलाई बिगार्छन्। यिनीहरूले मोबाइल तताउने तथा विस्फोटको समस्या पनि ल्याउन सक्छ।

फोन सँगै आएको चार्जर बिग्रिने बित्तिकै हामी बजारमा पाइने सस्तो तथा गुणस्तरहीन चार्जर प्रयोग गर्छौँ जसले गर्दा फोनको ब्याट्रीको सन्तुलन बिग्रिई ब्याट्री पड्किने तथा फोन तात्ने समस्या सुरु हुन सक्छ।

फुल चार्ज भइसकेपछि धेरै बेर चार्जमा नराख्नू होस।

हामी कतिपयको बानी सुत्ने बेलामा फोन चार्जमा राख्दिने र उठे पछि झिक्ने हुन्छ तर यस्तो बानीले छोटो समयमा खास्सै फरक नपारे पनि निकट भविष्यमा भने असर पुर्‍याउने सम्भावना उच्च रहन्छ तसर्थ फोनमा ९५ प्रतिशत चार्ज भइसकेपछि झिक्ने बानी फोनको स्वास्थ्यका लागि लाभदायी प्रमाणित हुन सक्छ।

फोनको कभर गुणस्तरयुक्त राख्नुस्।

विशेष गरी झर्दा नफ़ुटोस र स्क्र्याच नहोस् भन्ने उद्देश्यका साथ प्रयोगकर्ताहरूले फोनमा कभर राख्ने गरेको पाइन्छ तर कभर राख्दा यसको गुणस्तर मापन नगर्ने भएकाले प्रोसेसिङ् को समयमा फोन तात्दा कभरले झनै तात्न मद्दत गर्छ तसर्थ फोन एकदमै धेरै तात्दा कभर झिकेर फोनलाई हावा चल्ने ठाउँमा राख्नु पनि बुद्धिमानी हुनसक्छ।

अनावश्यक एपहरू नराख्नुहोस्।

दैनिक जीवनमा चाहिने एपहरू एकदमै धेरै मात्रामा विकास हुने गरेको पाइन्छ तर सधैँ चाहिने भन्दा कहिलेकाहीँ मात्रै चाहिने एपहरू राखी हटाउने बानी नहुँदा यसले स्पेस खाने तथा ब्यकग्राउण्डमा प्रोसेस भइरहने भएकाले यस्ता एपहरूले पनि फोन तात्नमा मद्दत गर्छन् त्यसैले काम सकिएपछि सधैँ चाहिनराखने एपहरू हटाई हाल्ने बानी बसाल्नुपर्छ।

 

ब्राइटनेस मध्यम तथा लो राख्ने गर्नुस्।

सामान्यतया दिनको समयमा बाहिर हिँड्दा फोन चलाउने बानी हुनेले घाममा मोबाइलको स्क्रिन नदेखिएका कारण ब्राईटनेस बढाउने र त्यतिकै राख्ने हुनाले पनि अनावश्यक रूपमा फोन तात्ने समस्या आइपर्न सक्छ, ब्राइटनेस धेरै हुँदा आँखालाई पनि हानि पुर्‍याउने र तात्ने समस्यामा पनि थप सहयोग पुर्‍याउने भएकाले जतिसक्दो थोरै तथा अटो ब्राइटनेस अँ गर्ने बानी बसाल्नुपर्छ।

क्यामेराको प्रयोग आवश्यक मात्रामा गर्नुस्।

आजकालका स्मार्टफोनहरूको मुख्य विशेषता भनेको राम्रो फोटो खिच्ने पनि हो तर लामो समयसम्म फोटो तथा भिडियो खिचिरहने बानीले पनि फोनलाई तताउन सक्छ त्यसैले मान्छे राम्रो बनेर थोरै फोटा खिच्ने बानी बसाल्नुस् नाकी आफ्नो अनुहारको दोष क्यामेरालाई दिँदै धेरै फोटा खिच्ने।

अनावश्यक नोटिफ़िकेसनहरु बन्द गर्नुस्।

विभिन्न साइट तथा संजालाहरुको नोटिफ़िकेसन अन हुँदा समय समयमा फोनमा नोटिफ़िकेसन आउने र भाइब्रेट हुने भएकाले यसले पनि प्रोसेसिङ् बढाइ फोन तात्नमा मद्दत गरिरहेको हुन्छ तसर्थ अत्यावश्यक बाहेकका नोटोफ़िकेसनहरु बन्द गर्ने बानी बसाल्नुहोस्।

समय समयमा अपडेट तथा अप्टिमाइज गर्ने गर्नुस्।

कम्प्युटर जस्तै फोनमा पनि विभिन्न काल खण्डमा फरक फरक किसिमका अपडेट हरू आइरहेका हुन्छन् जुन विगतमा भए भन्दा राम्रो हुने भएकाले यस्ता अपडेट हरू गर्न आवश्यक छ जसले गर्दा प्रोसेसिङ्मा सहयोग पुगी तात्ने समस्या घटाउनमा मद्दत गर्दछ।

गर्मी बढे सँगै मानिस तथा फोन उच्च तापक्रममा हुने भएकाले पनि फोन तात्ने समस्या बढ्दो छ यही समस्याका कारण सर्च इन्जिनहरूमा How to cool down phone ? भन्ने प्रश्नको खोजी तीव्र रूपमा बढेकाले यी उपायहरू सुल्झाएका छौँ, यी उपायहरू अपनाएको खण्डमा छोटो समयमै राम्रो नतिजा पाउन सक्नुहुनेछ।

यो पनि पढ्नुहोस्

आईफोन उत्पादन बन्द, छटपटीमा प्रयोगकर्ताहरु !