अहिलेको समयमा फोनबाट एक छिनमा बिजुलीको बिलदेखि स्कुलको फीसम्म तिर्न मिल्ने प्रविधि आएको छ। दिनभरको घाम खाएर लाइनमा बसी बिजुली पानीको बिल तिर्ने दिनहरू अब गए। आज हामी घरमा बसेरै सबै प्रकारका लेनदेन गर्न सक्छौँ। अनलाइन पैसा पठाउन र प्राप्त गर्न, हवाई टिकट किन्न, स्कुल र कलेजको बिल तिर्न, पसलहरूमा बिल तिर्न, मोबाइल रिचार्ज गर्न, , केबल र इन्टरनेटको बिल तिर्नदेखि अनलाइन पत्रिकाहरूको सदस्यता लिन हामी अहिले मोबाइल पेमेन्ट नै प्रयोग गर्छौ।
हामी मोबाइल पेमेन्ट नेटवर्कमा यति निर्भर भयौ कि कहिले काहीँ त मोबाइलमा पैसा हुन्छ तर खल्तीमा राख्न बिर्सिन्छौ। नेपालमा मोबाइल पेमेन्टलाई चर्चामा ल्याउने श्रेय इ-सेवा, फोन पे, आइयमइ पे, खल्ती जस्ता मोबाइल पेमेन्ट नेटवर्कलाई जान्छ। चाहे कुनै किराना पसल होस् या ठुलो कम्पनी, अहिले मोबाइल पेमेन्ट नगर्ने त कुनै ठाउँ बाकि छैन होला।
यति भन्दा भन्दै नेपालमा थुप्रै मोबाइल पेमेन्टका तरिकाहरू छन्।
यी सबैमध्ये अहिले फोन पे नेपालको मोबाइल पेमेन्ट नेटवर्कको मुहार जस्तो बनेको छ।
आखिर किन यस्तो चर्चित र लोकप्रिय छ त फोन पे?
F1Soft Group अन्तर्गत रहेको कम्पनी फोन पेले अहिले नेपालको मोबाइल पेमेन्ट बजारलाई ओगटेको भन्दा गलत नहोला। अहिले फोन पेसँग ६३+ साझेदार, १६+ मिलियन ग्राहक र ७+ लाख व्यापारीहरू जोडिएका छन्। यसको अन्तर्राष्ट्रिय साझेदारमा भिसा र युनियन पे पर्छन् भने नेपालका कृषि, मेघा, ग्लोबल आइयमइ, लक्ष्मी जस्ता २४+ बैङ्क सँगै थुप्रै फाइनान्स कम्पनीहरू पर्दछन्। यससँग ई सेवा, खल्ती, आइयमइ पे, प्रभु पे, जस्ता डिजिटल वालेटहरू पनि जोडिएका छन्।
फोन पेले ग्राहकदेखि व्यापारी सबैको आवश्यकतालाई मध्यनजर गर्दछ। फोन पे अफरले हाम्रो छेउछाउमा भएका अफरहरूलाई देखाउनुको साथै हरेक खरिदमा पोइन्ट दिने गर्छ। त्यो पोइन्ट जम्मा गरेर हामीले अरू सामान र अफर पनि लिन सक्छौ।यसले व्यापारीहरूको लागि छुट्टै फोन पे मर्च्यान्ट बनाएको छ जसमा व्यापारीहरूको हिसाबकिताब सहज र छिटो छरितो बनाउन खोजिएको छ।
त्यसै गरी, अहिले फोन पेले केही बैङ्कहरूसँग मिलेर लोन दिने व्यवस्थासम्म गरेको छ। फोन लोनको मद्दतले बचत खाता भएका वा मासिक रूपमा आम्दानि हुने ग्राहकलाई उनीहरूको कारोबार अनुसार १ लाखसम्मको लोन घरैबाट बैङ्क नगई लिन मिल्ने बनाएको छ।
यसरी फोन पेले नेपाललाई डिजिटल नेपालमा परिणत गर्न धेरै कामहरू गरिरहेको छ। यसले ग्राहकदेखि व्यापारीसम्म सबैलाई पैसाको कारोबारमा सहजता दिने भएकाले यो अहिले एकदमै लोकप्रिय हुन गएको छ।
