१८ साउन, काठमाडाैँ । इन्टरनेट एक विश्वव्यापी कम्प्यूटर नेटवर्क हो। यसले इन्टरनेट प्रोटोकल (IP) र ट्राफिक कन्ट्रोल प्रोटोकल (TCP)  प्रयोग गरेर फाइल र डाटालाई एक स्रोतबाट अर्को स्रोतमा पुर्याउछ। इन्टरनेट मार्फत डाटा वा सन्देशहरू पठाउनु अघि तिनीहरू सानो भागहरूमा विभाजित हुन्छन्, जसलाई प्याकेट भनिन्छ।

इन्टरनेट प्रोटोकल ​​(IP) नियमहरूको प्रणाली हो जसले इन्टरनेट जडान मार्फत जानकारी कसरी एक कम्प्युटरबाट अर्को कम्प्युटरमा पठाइन्छ भनेर नियन्त्रण गर्दछ। ट्रान्समिसन कन्ट्रोल प्रोटोकल (TCP) ले प्याकेटलाई इन्टरनेटमा पठाउनु अघि सहि क्रममा टुक्रिएर रहेको, गन्तव्य ठेगानामा पुग्नु अघि प्याकेटहरू सहि क्रममा पुन: मिलाइएका छन्, र डाटाको गुणस्तरमा नकारात्मक असर पार्ने कुनै ढिलाइ हुँदैन भन्ने कुरा सुनिश्चित गर्न मद्दत गर्छ।

इन्टरनेटलाई हाम्रो डिवाईसहरु बीचको भिन्नता पत्ता लगाउने तरिका चाहिन्छ र IP ठेगानाहरूले त्यो तरिका प्रदान गर्दछ। आईपी ​​ठेगाना (IP address) एउटा ठेगाना हो जसले इन्टरनेट वा स्थानीय नेटवर्कमा हाम्रो मोबाइल र अन्य डिभाएस पहिचान गर्न मद्दत गर्छ|

मानौ तपाइको कम्प्युटर एउटा घर हो भने IP ठेगाना हजुरको घरको पोस्टल ठेगाना जस्तै हो। इन्टरनेट एउटा हुलाके जस्तै मान्ने हो भने हजुरलाई डाटा पुर्याउन हुलाकेले हजुरको IP ठेगाना खोज्छ। त्यसैले IP ठेगाना इन्टरनेटमा डाटा आदानप्रदान गर्न अत्ति आवश्यक छ। तपाईंको IP ठेगाना सम्भवतः तपाईंको कम्पनी नेटवर्क वा ISP बाट आउँछ।

यसरी IP, TSP र IP address को मद्दतले मुख्य इन्टरनेट प्रदायक (ISP) ले ग्राहकलाई इन्टरनेट सेवा प्रदान गर्दछ।

अब प्रश्न आयो ISP ले चाहिँ इन्टरनेट कहाँबाट पाउछ?

विश्वभरका सबै ISP को समूहहरूले विभिन्न क्रम अनुसार आफ्नो काम गर्दै युजरसम्म इन्टरनेट पुर्याउने गर्छन्।इन्टरनेट सेवा प्रदायकको तीन तहका हुन्छ: टियर-१ ISP, टियर-२ ISP र टियर-३ ISP।

टाइर  १ का ISP हरुले समुद्री केबुल जस्ता भौतिक पूर्वाधारको स्वामित्व राख्नुको साथै तल्लो-स्तरीय ISPs मा सञ्जाल ट्राफिक पठाउने गर्छन्। टाइर  २ ISP हरु राष्ट्रिय वा क्षेत्रीय स्तरमा सञ्चालन भइरहेको हुन्छन् र तिनीहरूले टाइर  १ आइएसपीबाट प्राप्त हुने सञ्जाल ट्राफिकको प्रयोग गरी यसलाई तल्लो तहमा ग्राहकको अन्त्यमा पुर्याउँछन्। टाइर  ३ को काम उच्च आइएसपिबाट नेटवर्क ट्राफिकको प्रयोग गरेर घर तथा व्यवसायीमा पुर्याउनु हो। तिनीहरूले भौतिक केबुल, राउटर र स्विच प्रदान गरेर आफ्नो घर तथा कार्यालयहरूमा इन्टरनेट जडानको लागि आधारभूत संरचना उपलब्ध गराउँछन्।

तसर्थ, तपाईंको घरसम्म पुऱ्याउन क्षेत्रीयदेखि उच्च स्तरका आइएसपीहरूसँग मिलेर तपाईंको स्थानीय आइएसपीहरूले इन्टरनेट निकाल्छन्।